Cervo, 20 de xullo, 2026. O Concello de Cervo acolleu este luns a reunión da Xunta Local de Seguridade, un encontro de coordinación institucional copresidido pola alcaldesa, Dolores García Caramés, e pola subdelegada do Goberno en Lugo, Olimpia López, no que tamén participaron representantes da Garda Civil, do Subsector de Tráfico, da Policía Autonómica, de Emerxencias, e da Policía Local.
A reunión serviu para ultimar o dispositivo de seguridade que se activará durante os principais eventos do verán no municipio, con especial atención ás dúas festas declaradas de Interese Turístico Galego: a Festa da Maruxaina, que se celebrará o 8 de agosto, e a Queimada Popular, prevista para o 22 de agosto.
Durante o encontro analizáronse as medidas de coordinación entre os distintos corpos e forzas de seguridade co obxectivo de garantir o normal desenvolvemento destas celebracións, que cada ano reúnen a milleiros de persoas en Cervo. A planificación contempla reforzos nos puntos de maior afluencia, unha resposta coordinada ante posibles incidencias e un operativo adaptado ás necesidades de cada evento.
Desde o Concello destacouse a importancia da colaboración entre todas as administracións e corpos de seguridade, unha coordinación que permite afrontar con garantías dúas das citas máis representativas do calendario festivo cervense, asegurando que tanto a veciñanza como os visitantes poidan desfrutar delas nun ambiente seguro, organizado e tranquilo.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
