Burela, 20 de xullo, 2026. João Victor Tonello de Almeida Gomez (Barcelona, 4/7/2003) será o encargado de custodiar a meta do Reyco Burela FS na tempada 2026-27. Con 23 anos e procedente do AGE Guaporé, da Serie A da Liga Gaúcha brasileira, o hispano-brasileiro regresa a Burela, a vila na que medrou e ao club que seu pai, Anderson de Almeida “Purão”, defendeu entre 2008 e 2012.
Formado inicialmente na escola deportiva burelista, João Victor continuou a súa progresión na base do AGE, onde se proclamou campión da Copa UJR e subcampión da Taça Farroupilha Serra e da Copa dos Pampas.
A próxima será a súa primeira experiencia sénior fóra do Brasil. “Teño moitas expectativas e ganas de medrar”, confesou ilusionado o novo meta, que recoñece que a súa volta á Mariña é especialmente emotiva: “Burela é o meu segundo fogar. Non teño moitos recordos, pero son os mellores. Teño grandes amigos e lembro familias como a de Tina, Quelle, Alberto e Jorge. Ademais, en Burela naceu miña irmá”, explicou, facendo referencia á amizade que o une ao xogador Jorge Quelle, co que compartiu aprendizaxe na escola laranxa.
João chega decidido e ambicioso: “Veño con ganas de conquistar todo o posible, buscando evolucionar, aprender dos demais e axudar aos obxectivos sen descanso”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
