Cervo, 31 de xullo, 2026. O Concello de Cervo acollerá do 14 ao 16 de agosto as tradicionais Festas na Honra da Nosa Señora, Virxe do Carme e San Roque, que volverán converter o núcleo de Cervo nun punto de encontro para veciños e visitantes cunha programación que combina actos relixiosos, música, gastronomía e actividades para todas as idades.
A presentación dos festexos contou coa participación da alcaldesa, Dolores García Caramés; da concelleira Mali Méndez; e de representantes da A.C. Rego Cachón, entidade organizadora das festas do 15 e 16 de agosto.
A programación arrancará o venres 14 de agosto coa tradicional Festa do Ovo Frito, organizada por Airiños do Xunco e Cabaleiros da Bidueira, que contará coa animación da Charanga DGIT e da Discomóbil Conxuro.
O sábado 15 de agosto, ás 13:00 horas, celebrarase a misa solemne cantada polo Coro de Cervo e a procesión acompañada por Fol do Raxal. A continuación haberá sesión vermú co grupo Euphoria* e, pola noite, gran verbena co propio grupo Euphoria e o Dúo Caramelo.
O domingo 16 de agosto, tamén ás 13:00 horas, terá lugar a misa solemne cantada polo Coro de Cervo e a procesión acompañada por Fol do Raxal. Seguirá a sesión vermú coa Orquestra Galaxia, que tamén ofrecerá a verbena da noite. Ademais, desde as 18:00 horas haberá inchables na Praza do Souto para o desfrute dos máis pequenos.
Como broche final, o sábado 22 de agosto celebrarase o Mercado Tradicional e a XLVIII Queimada Popular de Cervo, organizada por Airiños do Xunco, unha das citas máis emblemáticas do verán cervense e declarada Festa de Interese Turístico de Galicia.
A alcaldesa, Dolores García Caramés, convidou a toda a veciñanza e aos visitantes a participar nestes festexos. “As festas de Cervo son unha magnífica oportunidade para reencontrarnos, compartir tradicións e seguir facendo pobo. Quero agradecer o enorme traballo da A.C. Rego Cachón, de Airiños do Xunco, dos Cabaleiros da Bidueira e de todos os colectivos e persoas voluntarias que, coa súa implicación e esforzo, fan posible un programa tan completo e atractivo”, sinalou.
Caramés destacou tamén que “desde o Concello seguiremos apoiando estas celebracións porque forman parte da nosa identidade e contribúen a dinamizar social e economicamente o municipio durante o verán”, animando a todos a gozar “dunhas festas pensadas para todos os públicos, nas que non faltarán a música, a tradición, a gastronomía e o mellor ambiente”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
