O delegado territorial en Lugo visitou en Alfoz do Castrodouro as instalacións de Mármoles e Granitos Reigosa, beneficiaria das achegas destinadas a esta actividade industrial vinculada aos recursos naturais
Alfoz do Castrodouro, 24 de agosto de 2026. O delegado territorial da Xunta en Lugo, Alfonso Villares, destacou hoxe o compromiso do Goberno galego co desenvolvemento dunha minaría máis sustentable, segura e competitiva, en liña cos obxectivos da Axenda de impulso da minaría de Galicia, e puxo en valor a contribución das axudas autonómicas á modernización e competitividade das empresas do sector.
Villares visitou en Alfoz do Castrodouro as instalacións de Mármoles e Granitos Reigosa, beneficiaria destas achegas da Xunta o ano pasado, que puido incorporar así novo equipamento e mellorar os seus procesos produtivos. En concreto, o apoio recibido permitiu á empresa adquirir un novo centro de fresado de control numérico para os seus traballos de elaboración de pedra. O novo equipamento facilita a automatización dos procesos, amplía as posibilidades de mecanizado e permite mellorar a eficiencia e a capacidade produtiva da compañía.
O delegado territorial puxo este investimento como exemplo de como as axudas da Xunta se traducen en melloras concretas nas empresas do sector e lembrou que hoxe, 24 de agosto, remata o prazo de presentación de solicitudes á nova convocatoria.
O programa, impulsado pola Consellería de Economía e Industria, conta cunha dotación de 2,5 millóns de euros e consta de cinco liñas de axudas: para investimentos destinados a incrementar a protección do ambiente da zona afectada pola actividade mineira; para mellorar as condicións laborais en materia de seguridade e saúde; para a redución da exposición ao po no sector da rocha ornamental; para a adquisición de equipamentos de eficiencia enerxética, especialmente por parte de empresas de envasado de augas minerais e de explotación de balnearios; e para procesos de certificación.
As achegas oscilan entre os 3.000 e os 150.000 euros e están dirixidas a empresas privadas do sector mineiro e de actividades relacionadas cos recursos naturais que desenvolvan a súa actividade ou conten con algún centro de traballo en Galicia
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
