“Non se está pedindo á alcaldesa que empece agora un PXOM desde cero, senón que culmine un traballo que recibiu moi avanzado do anterior goberno do PP e que leva sete anos paralizado”, sinalan
Barreiros, 4 de setembro de 2026. O Partido Popular de Barreiros manifesta a súa disposición a apoiar a aprobación do Plan Xeral de Ordenación Municipal (PXOM) se o goberno bipartito, sete anos despois de chegar á Alcaldía, decide finalmente culminar o documento que recibiu moi avanzado do anterior goberno do PP, e incorpora unha solución urbanística que contribúa a evitar a demolición das vivendas de Lóngara.
Os populares consideran que, ante unha situación tan grave para as familias afectadas, “o BNG non debe buscar a polarización nin alimentar unha batalla política sobre o pasado, senón ser útil, traballar a favor dos seus veciños e explorar ata a última posibilidade que permita atopar unha solución”.
“Se existe unha vía legal e urbanística que poida contribuír a evitar que estas familias perdan os seus fogares, o Concello ten a obriga de estudala. E se esa solución pasa polo PXOM, o PP está disposto a arrimar o ombreiro e facilitar a súa aprobación”, sinalan.
UN PXOM QUE O PP DEIXOU MOI AVANZADO
Os populares lembran que cando Ana Ermida accedeu á Alcaldía en 2019 non tivo que comezar de cero a elaboración dun novo planeamento municipal. Recibiu do goberno do Partido Popular un PXOM moi avanzado na súa tramitación, encamiñado para continuar cara á súa aprobación e co traballo técnico realizado durante os anos anteriores.
“O actual goberno non herdou unha folla en branco. Herdou un Plan Xeral moi avanzado no que o Concello levaba anos traballando. Sete anos despois, ese documento segue sen culminarse”, subliñan.
Os populares apuntan, ademais, que o mesmo equipo técnico redactor que traballaba daquela continúa vinculado á tramitación do planeamento e coñece perfectamente en que situación se atopaba o documento cando se produciu o cambio de goberno.
O PP lamenta que, transcorridos sete anos de goberno do BNG en Barreiros, o planeamento que deixou encamiñado o anterior executivo popular permaneza sen aprobar: “Recibiron un PXOM moi avanzado e metérono nun caixón. Agora que existe unha situación dramática para seis familias, o mínimo que se pode pedir é que o recuperen, culminen a súa tramitación, estuden todas as alternativas e contribúan á solución”.
Os populares lembran tamén as especiais dificultades nas que tivo que desenvolverse a tramitación urbanística durante os gobernos municipais do PP, despois de que o bipartito da Xunta (PSOE e BNG) interviñese o urbanismo de Barreiros e impuxese unilateralmente unha normativa provisional que estivo vixente ata 2014 e que incluso despois –“cómpre non esquecelo”- foi declarada non conforme a dereito polo Tribunal Supremo.
“Mesmo con todas esas dificultades, o goberno do PP foi capaz de deixar moi avanzado un novo Plan Xeral, practicamente con todos os informes preceptivos favorables. O que resulta difícil de explicar é que quen o recibiu nesa situación non fose capaz de culminalo en sete anos”, engaden.
“A ALCALDESA TEN QUE ESTAR Á ALTURA”
O Partido Popular considera tamén que agora “non é o momento de buscar culpables, trincheiras ou escusas”, senón de actuar con responsabilidade ante unhas familias que adquiriron e construíron as súas vivendas de boa fe e que hoxe se enfrontan á posibilidade de perder os seus fogares.
“Ana Ermida é a alcaldesa de todos os veciños de Barreiros, tamén destas familias, e ten que estar á altura dunha situación excepcionalmente difícil. Debe escoitalas, estudar todas as alternativas e utilizar todas as ferramentas legais e urbanísticas ao alcance do Concello”, sosteñen.
Por iso, o PP reitera a súa oferta: “Se o bipartito recupera e culmina o PXOM que recibiu moi avanzado do anterior goberno do PP e existe unha solución legal que poida incorporarse para contribuír a evitar os derrubos de Lóngara, atopará ao Partido Popular disposto a falar, colaborar e apoiar. Nós escollemos estar do lado das familias e das solucións”.
UN PROBLEMA QUE TEN UNHA ORIXE
Finalmente o PP insiste en que non pretende alimentar unha polémica que “non axuda ás familias nin achega solucións”, pero considera necesario lembrar que a situación actual ten a súa orixe na ofensiva contra o urbanismo de Barreiros impulsada polo BNG e posteriormente xudicializada durante o bipartito na Xunta.
“Non queremos mirar vinte anos atrás, senón atopar unha solución hoxe. Pero tampouco se pode reescribir a historia nin eludir a responsabilidade de quen, como os nacionalistas e o seu contorno, contribuíron a iniciar este proceso”, sinalan.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
