Tamén saíu adiante un acordo co Concello de Ribeira de Piquín para a instalación e posta en marcha dunha cociña comunitaria no Centro de Día da residencia municipal
Lugo, 4 de setembro de 2026. A Xunta de Goberno da Deputación de Lugo aprobou nesta xornada novos investimentos por un importe conxunto de preto de 400.000€ para a provincia. Así o informou a Voceira Socialista do Goberno, Pilar García Porto, na rolda de prensa posterior á reunión semanal que tivo lugar no Pazo de San Marcos.
“Son recursos que imos destinar a tres ámbitos moi concretos: á mellora das estradas provinciais, á creación de novas oportunidades no rural e á adaptación das instalacións da propia Deputación ás necesidades que temos hoxe e ás que teremos no futuro”, destacou Pilar García Porto.
No tocante á mobilidade, aprobouse licitar por 227.000€ as obras de mellora de tres tramos das estradas provinciais LU-P-1306 e LU-P-5603, ao seu paso polo Concello do Incio. García Porto sinalou que “estas obras foron un compromiso adquirido pola presidenta da Deputación cos veciños e veciñas durante unha recente visita ao municipio”.
Na LU-P-1306, que comunica Megoxe, Seceda e Ferrería de O Incio, a institución provincial actuará nun tramo de case catro quilómetros, entre os puntos quilométricos 21,124 e 24,886, mediante o acondicionamento do firme. O prazo previsto para executar os traballos é de catro meses.
Na outra vía provincia, a LU-P-2503, actuarase en dous tramos, entre os quilómetros 2,500 e 2,600 e entre o 6,100 e o 6,900. Os traballos incluirán a mellora do firme con aglomerado en quente e actuacións para favorecer a evacuación das augas superficiais. Ademais, as intervencións completaranse co repintado das marcas viarias e a reposición da sinalización vertical.
“Estas actuacións permitirán avanzar nunha rede viaria provincial máis segura e en mellores condicións para as persoas que viven, traballan e desenvolven a súa actividade económica nos municipios da provincia”, subliñou a Voceira Socialista do Goberno.
Colaboración co Concello de Ribeira Piquín
A Xunta de Goberno tamén aprobou a colaboración co Concello de Ribeira de Piquín para financiar a instalación e posta en marcha dunha cociña comunitaria no Centro de Día da residencia municipal, situado no Chao do Pousadoiro. O proxecto conta cun orzamento de máis de 100.000€, dos cales 55.000 serán achegados pola Deputación.
Pilar García Porto avanzou que “a nova infraestrutura concíbese como un espazo de interese público destinado a contribuír á dinamización económica, social e comunitaria do municipio, facilitando novas oportunidades para o emprendemento, a valorización dos produtos de proximidade e a conservación e difusión da gastronomía e dos recursos propios do territorio”.
“Este tipo de iniciativas son especialmente importantes nos concellos pequenos, onde a creación de novas oportunidades pode contribuír a que as persoas poidan emprender, traballar e desenvolver o seu proxecto de vida no rural”, argumentou a Deputada.
Renovación eléctrica no Parque Móbil do Ceao
Ademais, a Xunta de Goberno licitou as obras de reforma eléctrica das instalacións do Parque Móbil da Deputación no Ceao. A actuación conta cun investimento de licitación de máis de 105.000€ e responde ao incremento da intensidade de uso das instalacións e á incorporación de novas actividades e equipamentos nos últimos anos.
O Parque Móbil conta actualmente con diferentes servizos e equipamentos, entre eles o Servizo de Audiovisuais e puntos destinados á recarga de vehículos eléctricos, polo que resulta necesario adaptar e reorganizar a instalación eléctrica para garantir que poida responder con seguridade e eficiencia ás necesidades actuais.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
