O servizo, prestado por Cruz Vermella desde o 15 de xuño na praia de Os Bloques, permitiu que persoas con discapacidade ou mobilidade reducida puidesen gozar do baño con apoio e seguridade
Ribadeo, 15 de setembro, 2026. Ribadeo puxo onte o punto final á tempada de baño adaptado do programa Ribadeo Accesible, un servizo que, desde o pasado 15 de xuño, facilitou que centos de persoas con discapacidade ou mobilidade reducida puidesen gozar do baño no mar durante os meses de verán.
O servizo, prestado por Cruz Vermella, desenvolveuse na praia de Os Bloques, facilitando o acceso á auga e ofrecendo ás persoas usuarias o apoio necesario para desfrutar da praia e do baño dunha maneira segura e accesible.
O acto de clausura contou coa presenza do equipo que prestou o servizo durante toda a tempada, así como da técnica local de Cruz Vermella, da coordinadora de Cruz Vermella na Mariña e do secretario provincial da entidade. Tamén participaron o alcalde de Ribadeo e a concelleira de Servizos Sociais.
Durante o encontro fíxose entrega ao alcalde e á concelleira dunha serie de láminas que recollen algúns dos mellores momentos vividos durante a tempada, como recordo dun verán no que a accesibilidade volveu ser protagonista na costa ribadense.
Desde Cruz Vermella ponse en valor o traballo desenvolvido por todo o equipo de baño adaptado e a colaboración mantida co Concello de Ribadeo para facer posible este servizo, que ano tras ano contribúe a que as persoas con discapacidade ou mobilidade reducida poidan desfrutar do litoral en igualdade de condicións.
Coa clausura da tempada de baño adaptado finaliza o servizo correspondente a este verán, pero o compromiso coa accesibilidade e coa eliminación de barreiras continúa a ser unha prioridade para Cruz Vermella.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
