Lugo, 17 de setembro de 2026. A Deputación de Lugo ten en marcha catro obras en diferentes estradas provinciais nos concellos de Xove, Mondoñedo e Chantada. Diferentes actuacións en varios puntos da rede viaria que permitirán mellorar o firme e a drenaxe, incrementando as condicións de seguridade e circulación para a veciñanza.
Melloras en estradas de Xove
En Xove continúan os traballos incluídos no proxecto de acondicionamento de tres estradas provinciais, cun investimento conxunto de máis de 810.000 euros. Unha das vías incluídas nesta actuación é a LU-P-2604, entre Xove e Valcarría por Monte, na que se está a rematar a mellora do primeiro tramo. Os traballos consistiron no fresado e posterior aglomerado en quente da calzada entre o inicio da vía e o punto quilométrico 0,900, que mantiveron a vía cortada desde o 7 de setembro. Ao longo da xornada de hoxe este treito quedará reaberto ao tráfico.
Unha intervención que forma parte do proxecto que tamén contempla actuacións na LU-P-2601, entre a LU-862 e o Portiño de Morás, e na LU-P-2605, entre A Tronca e Tarolo.
Comezan traballos en Mondoñedo
Por outra banda, en Mondoñedo, a Deputación inicia os traballos de rehabilitación do firme na LU-P-3108, entre Viloalle e Figueiras, concretamente no tramo comprendido entre os puntos quilométricos 7,050 e 9,654. A actuación, adxudicada a Obras y Saneamientos Galicia SL por 79.698,07 euros, ten un prazo de execución de tres meses e permitirá mellorar os case 2,6 quilómetros finais da vía.
Mellora de dúas vías vertebradoras para a Ribeira Sacra
Entre Chantada e Carballedo, a Deputación está a actuar na LU-P-1807, que comunica Chantada, Santa Uxía e Cartelos, onde xa se iniciou a limpeza das cunetas; e na LU-P-1801, que comunica Chantada con Nogueira e Os Peares. Nesta última mellora un tramo de 23 quilómetros, entre os puntos quilométricos 6 e 29,396. Dúas vías que vertebran a comarca e dá servizo á mobilidade local, agrícola e de servizos.
Fevisa Vías y Obras SL é a encargada dos traballos na LU-P-1807 que, con 245.100 euros, permitirán acondicionar practicamente todo o trazado da estrada, desde o punto quilométrico 0 ata o 9,403.
Na LU-P-1801, Construcciones y Obras Taboada Ramos SLU acometeu a limpeza e reapertura das cunetas e hoxe comezaba coa renovación do firme. Unha actuación que conta cun investimento de 313.199,82 euros.
Con estas actuacións, a Deputación continúa avanzando no mantemento e modernización da rede viaria provincial, unha infraestrutura fundamental para garantir a mobilidade da veciñanza, facilitar o acceso aos servizos e favorecer a actividade económica e social dos concellos do rural. As obras forman parte do esforzo da institución provincial por manter en boas condicións unha rede de estradas de máis de 4.000 quilómetros en toda a provincia.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
