Os socialistas presentan unha segunda moción para solicitar a Educación que permita a matrícula no primeiro curso do Ciclo de Grao Básico de Informática de Oficina no IES Lois Peña Novo
Vilalba, 22 de setembro de 2026. Os socialistas de Vilalba levan ao pleno municipal deste xoves unha moción na que demandan á Xunta “un sistema público, regulado e transparente de distribución do canon da auga, baseado en criterios obxectivos e verificables”.
“Entre os anos 2012 e 2025, a Xunta ingresou dous millóns de euros desde Vilalba polo canon e só investiu no noso concello 14.000 euros a través dunha subvención”, lembra Marta Rouco, alcaldesa e secretaria xeral da Agrupación Socialista local.
O PSOE reclama que “como mínimo, o Concello de Vilalba reciba o 80% desta recadación en investimentos relacionados coa mellora da eficiencia e da sostibilidade do ciclo da auga”.
No texto da moción, os socialistas lembran que “o canon da auga é un tributo recadado a través dos concellos, que actúan como entidades colaboradoras na súa cobranza, asumindo unha función que na práctica os converte en intermediarios ante a cidadanía”.
O PSOE advirte de que “existen municipios que, a pesar de realizar unha elevada achega recadadora, non teñen recibido investimentos significativos con cargo a estes canons, mentres que outros territorios contan cunha presenza reiterada de convenios e actuacións financiadas pola Xunta”.
Os socialistas piden “un informe anual público, detallado e desagregado por concellos da distribución da recadación; temos que garantir que a asignación de recursos non estea condicionada por criterios partidistas nin por afinidades políticas, senón exclusivamente por parámetros técnicos, ambientais e de necesidade obxectiva”, remata o PSOE.
Educación
A segunda moción do PSOE reclama á Consellería de Educación que permita a matrícula no primeiro curso do Ciclo de Grao Básico de Informática de Oficina no IES Lois Peña Novo.
Os socialistas de Vilalba censuran “o comportamento da Consellería de Educación e nomeadamente do seu conselleiro, Román Rodríguez”, e solicitan que “de xeito excepcional, e no presente curso escolar, se permita a matricula no primeiro curso do citado ciclo de informática”.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
