Os municipios beneficiarios son Cervantes, Pedrafita do Cebreiro, Folgoso do Courel, Ribas de Sil, Guntín, O Incio, Xermade, A Pastoriza, A Ribeira de Piquín, A Pontenova, Trabada e O Vicedo
Lugo, 24 de setembro de 2026.- A Xunta achega 265.000 euros a 12 concellos lucenses para adquirir vehículos e maquinaria destinada á prevención de incendios forestais, ao abeiro dunha nova orde de axudas autonómicas cofinanciada con fondos Feder.
O delegado territorial de Lugo, Alfonso Villares, explicou que o Diario Oficial de Galicia publica hoxe a resolución da convocatoria, que beneficia aos concellos de Cervantes, Pedrafita do Cebreiro, Folgoso do Courel, Ribas de Sil, Guntín, O Incio, Xermade, A Pastoriza, A Ribeira de Piquín, A Pontenova, Trabada e O Vicedo.
A iniciativa busca axudar aos municipios de ata 30.000 habitantes a que dispoñan dun marque de maquinaria axeitado para realizar actividades preventivas, como limpeza e roza en bordos de estradas locais, contornas de núcleos de poboación e espazos naturais.
As contías poden chegar ata os 30.000 euros, para adquirir vehículos e accesorios; así como a compra de maquinaria forestal lixeira eléctrica ou vehículos complementarios para as tarefas forestais. Trátase de equipamento como miniescavadoras, compactadoras ou rodetes, pequenos tractores, rozadoiras, remolques, trituradores, vehículos todoterreo e minicamións, entre outros.
Esta medida súmase ás diferentes liñas de apoio que activa cada ano a Consellería de Presidencia, Xustiza e Deportes para facilitarlles ás administracións locais tanto a mellora de equipamento como de instalacións públicas, entre as que destaca o Fondo de Compensación Ambiental, o Fondo de Cooperación Local (FCL) e a orde destinada a crear ou mellorar as infraestruturas municipais nas que se presta servizo aos cidadáns.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
