Nota de prensa
A DIRECCIÓN XERAL DE COMERCIO OFRECE AOS PROFESIONAIS DO SECTOR UN CURSO GRATUITO DE FRANCÉS NA ESCOLA OFICIAL DE IDIOMAS DE VIVEIRO
* As inscricións poden realizarse por fax ou internet e o prazo para formalizalas remata o vindeiro día 22 de xaneiro
Lugo, 13 de xaneiro de 2011.- A Dirección Xeral de Comercio ofrece aos traballadores do sector a posibilidade de realizar un curso de lingua francesa de nivel básico de xeito gratuíto na Escola Oficial de Idiomas de Viveiro.
A Dirección Xeral de Comercio, dependente da Consellería de Economía e Industria, estima que este curso será especialmente útil dado que permite adaptar o programa formativo para o colectivo específico ao que vai dirixido, facendo fincapé no vocabulario e nas fórmulas de expresión que son máis habituais no sector do comercio.
A delegada territorial da Xunta, Raquel Arias, indicou que esta iniciativa resulta “de especial interese para os traballadores do sector, pois trátase dunha oportunidade para adquirir unha base que servirá aos comerciantes para prestar unha mellor atención aos turistas estranxeiros que visiten a provincia”.
A delegada destacou que “o comercio ten unha grande incidencia na imaxe que os turistas perciben de nós”. Ao respecto, lembrou o notable incremento de visitantes rexistrado durante o último ano na provincia; “co esforzo de todos estamos a provocar unha dinámica moi positiva, dado que incrementamos por riba do 16% o volume de viaxeiros sobre o ano anterior”, afirmou.
O curso de francés que oferta a Escola Oficial de Idiomas de Viveiro ten un cómputo total de 60 horas de duración e desenvolverase o próximo mes de febreiro en horario vespertino: martes (de 18.00 a 21.00 horas) e mércores (de 21.00 a 22.30 horas).
Para a celebración deste curso é obrigatorio contar cun mínimo de 10 alumnos matriculados. As matrículas poden realizarse mediante fax ou internet, a través da páxina da Xunta de Galicia, onde as persoas interesadas atoparán tamén un modelo normalizado de solicitude para facilitarlles o labor.
Os traballadores do sector que queiran acceder ao curso poden enviar as inscricións ao enderezo de correo electrónico cei.dxcomercio@xunta.es, ou ben ao número de fax 981.545.541, ata o vindeiro día 22 de xaneiro. O curso dará comezo este mesmo mes de febreiro, cun tope máximo de 20 participantes.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
