O centro lucense é promotor dunha axenda compartida de CITs de doce provincias cunha importante superficie de territorio rural
Lugo, 8 de outubro de 2026. A Deputación de Lugo acaba de poñer a funcionar un Centro de Innovación Territorial (CIT) co obxectivo de aplicar solucións tecnolóxicas e industriais ao medio rural para xerar emprego e frear a perda de poboación na provincia.
O proxecto arranca cun equipo de cinco profesionais que se encargará de abrir e xestionar sedes físicas en Navia e Burela, que se sumarán á da sede da Deputación. Haberá persoal permanente nese lugares e outro que se desprazará polos concellos.
O CIT da provincia de Lugo nace como un espazo de cooperación público-privada, para conectar a administracións, empresas, universidades, centros de investigación e sociedade civil. O seu propósito fundamental é reactivar a economía local, facilitar o emprendemento, transferir innovación e fixar poboación no territorio.
O centro conta cunha coordinadora xeral e dous técnicos que serán os encargados de analizar necesidades, captar financiamento e dinamizar redes. Están apoiados por dous profesionais na área de comunicación, atención de consultas e soporte administrativo.
Un dos obxectivos: captar financiamento para proxectos relacionados coa auga
Unha das liñas de traballo do CIT é a obtención de fondos europeos e estatais para financiar proxectos que sexan estratéxicos para o territorio e que xeren emprego e activen a economía. Tamén buscará financiamento para tratar de rehabilitar e dar uso a instalacións que son propiedade da Deputación, como pode ser o antigo hospital psiquiátrico de Castro Ribeiras de Lea, no municipio de Castro de Rei.
Nunha recente visita ao centro de traballo do CIT no pazo de San Marcos, a presidenta da Deputación, Carmela López, trasladoulle ao equipo a necesidade de explorar vías de financiamento para proxectos relacionados coa captación e a subministración de auga, xa que é unha das demandas que máis recibe dos concellos ante o cambio climático.
Modernización do sector primario e adaptación á nova realidade climática
Outra das liñas de traballo do CIT será apoiar a modernización do sector primario. Os técnicos traballarán a pé de campo como axentes de innovación para conectar as cooperativas con provedores tecnolóxicos e crear casos de éxito replicables.
O plan de traballo contempla a posibilidade de levar a cabo acción concretas, como algunhas das que se deseñaron para o Pazo de Tor (Monforte de Lemos). Porén, será máis adiante, unha vez os técnicos estuden con máis detemento as necesidades do territorio e a viabilidade das iniciativas propostas, cando se decidirá cales se priorizarán.
Outro eixo de acción será a xeración de emprego e a retención de profesionais. Prevese a creación dunha plataforma dixital, para conectar profesionais, tanto locais como emigrados que queran regresar ao territorio, coas empresas da provincia. O proxecto inclúe eventos de traballo en rede (networking) para visibilizar ofertas de emprego cualificado e facilidades para o teletraballo no rural.
A Deputación alíase con outras once provincias
O CIT de Lugo acaba de botar a andar pero destaca xa por ser unha das entidades promotoras da Axenda Compartida CITs, unha iniciativa respaldada polo MITECO que reúne a 12 provincias de 9 comunidades autónomas (como Asturias, Burgos, Cáceres, Jaén ou Lleida, entre outros) para articular a acción colectiva de actores públicos e privados de varios territorios ante retos sistémicos que ningunha entidade pode abordar en solitario. O obxectivo deste grupo promotor é actuar como un único interlocutor ante o Goberno de España e as institucións europeas para conseguir investimentos directos destinados ao medio rural.
Neste senso, o pasado venres 24 de setembro, a coordinadora do CIT da provincia de Lugo, Taís Landeira Fernández, participou en Sevilla na presentación desta Axenda.
A estratexia conxunta da Axenda Compartida CITs busca poñer en valor o capital natural renovable das provincias rurais —que concentran máis do 30% dos recursos naturais do país, pero só o 14% da poboación activa— para xerar novas actividades industriais e fixar poboación. Grazas ao seu forte potencial forestal, agrario, gandeiro e litoral, Lugo parte dunha posición sólida neste grupo.
O encontro reuniu tamén a representantes do Ministerio de Ciencia e a grandes empresas como Veolia, Moeve ou Redeia interesados en investir neste tipo de proxectos. Tras a cita de Sevilla, a Axenda iniciará unha rolda de presentacións ante fondos de investimento en Madrid (6 de outubro), Barcelona (13 de outubro) e Bruxelas (25-26 de novembro).
Lugo: un territorio de oportunidades en cifras
A implantación do CIT da provincia de Lugo responde ás necesidades demográficas e socioeconómicas particulares de Lugo, unha provincia conformada por 67 municipios e 13 comarcas. Cunha extensión territorial de 9.856 km² —a maior de Galicia—, o territorio presenta unha densidade de poboación de 33,07 habitantes por km² e unha poboación total de 326.022 habitantes, cunha idade media de 50,50 anos (IGE 2025).
No plano laboral, a taxa de desemprego sitúase nun 6,56% en homes e nun 7,94% en mulleres. A súa estrutura económica (segundo o informe Lugo en Cifras 2024) reflicte o liderado do sector Servizos (67,40%), seguido da Industria (14,70%) —moi vinculada á transformación agroalimentaria e madereira—, a Agricultura e Pesca (10,50%) —cun peso crítico en gandería láctea e silvicultura moi superior á media nacional— e a Construción (7,40%).
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
