Nota de prensa:
Xorxe Caldeiro anuncia que a central nacionalista manifestarase por Burela o 27 ás 12:00h
A CIG chama a Folga Xeral o 27 de Xaneiro a toda a poboación da Mariña.
A CIG chama a toda a cidadanía da Mariña a unha convocatoria de folga xeral, que afectará a todas as actividades desempeñadas polos traballadores e traballadoras de empresas privadas e do sector público, con vínculo funcionarial, estatutario ou laboral en Galiza. A folga comezará ás 0:00 horas do día 27 de xaneiro e rematará ás 24:00 horas. Con esta convocatoria a central pretende dar unha resposta aos ataques contra a clase traballadora promovidos dende o Goberno español, nomeadamente a reforma do sistema público de pensións, que ten como claro obxectivo dificultar o acceso ás mesmas e reducir a contía das pensións futuras.“Estas reformas non están xustificadas e a única maneira de frear estes ataques contra a maioría social é recorrer á folga xeral”. Así o manifestaba o secretario da CIG-A Mariña , Xorxe Caldeiro. Unha folga pola dignidade da clase traballadora galega e baixo o convencemento de que só coa mobilización “poderemos parar este goberno e os interese do capital financeiro a quen defende”.Caldeiro denunciou o uso de mentiras e manipulacións para xustificar as medidas que o goberno está na levar adiante, especialmente escandalosas no caso da reforma do sistema público de pensións, xa que nada ten a ver coa situación de crise. Neste senso, censurou os informes de supostos expertos que vaticinan a quebra do sistema; documentos que, lembrou, se veñen presentando de forma reiterada dende hai anos sen que polo momento acertasen nin unha soa vez nas súas predicións. “Esta é unha reforma que unicamente interesa á banca”, aseverou. “A banca necesita liquidez e necesita crear na opinión pública a idea de que o sistema actual non ten futuro, coa intención de captar o aforro de aqueles traballadores e traballadoras que teñen a suficiente capacidade adquisitiva para pagar un fondo de pensións privado”. Esta dualidade, advertiu, xerará enormes desigualdades entre os propios pensionistas, xa que unha grande maioría non poderá acceder a eses sistemas privados, máis aínda coa política de precarización do mercado laboral que hai posta en marcha. Este colectivo de traballadores e traballadoras só poderá, deste xeito, recibir dunha pensión mínima ao final da súa vida laboral.
Convocatoria da CIG
A este respeito Caldeiro indicou que a central nacionalista realizará unha manifestación o propio día da Folga en Burela, con saída ás 12:00 do local do Sindicato e remate na Praza da Mariña. “Saimos a rúa non só para defender a cohesión social, senón para urxir a Xunta e Goberno do estado a que é necesario unha outra saída a crise que permita primeiramente criar emprego na Comarca e que forze aos dirixentes autonómicos e estatais a situar como prioridade a creación do emprego na Mariña, a defensa dos nosos sectores económicos e a garantía de direitos salariais e laborais para o conxunto da población.
Salvidades durante a xornada de folga
Na convocatoria presentada pola CIG estabelécense algunhas excepcións referidas ás empresas, administracións e organismos que teñan varias quendas de traballo. Nese caso o comezo da folga realizarase na primeira quenda, aínda que comece antes das 00:00 horas e finalizará unha vez rematada a última quenda, aínda que vaia máis alá das 24:00 horas do 27 de xaneiro. Alén diso, e para garantir a cobertura informativa do paro, nas empresas xornalísticas e medios de comunicación, a folga convocada terá lugar no período comprendido entre as 07:00 horas do día 26 de xaneiro e as 24:00 horas do 27 de xaneiro, correspondendo aos traballadores /as de cada centro de traballo a determinación do horario de folga do período de referencia.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
