Nota de prensa
OS CONSUMIDORES ATOPARÁN DENDE MAÑÁ NOS PUNTOS DE VENTA CARTÓNS DE LEITE ETIQUETADOS COA MARCA “GALEGA 100%”
* As principais referencias comerciais do sector lácteo da nosa Comunidade incorporarán este distintivo como valor engadido cara á súa comercialización
* Con esta saída ao mercado dáse un paso decisivo cara a vertebración do sector, coa plena implicación da maioría das industrias que operan en Galicia e da práctica totalidade da distribución
Santiago, 6 de febreiro de 2011.- Os consumidores galegos poderán atopar, a partir de mañá luns, cartóns de leite etiquetados coa marca “Galega 100%” impulsada pola Xunta, a través da Consellería de Medio Rural, e que está a ser xestionada polo Laboratorio Interprofesional Galego de Análise do Leite (LIGAL).
Os cartóns de Feiraco serán os primeiros en incorporar este distintivo de garantía da calidade diferenciada do leite galego, tras ser autorizada esta cooperativa a usalo polo LIGAL, completados xa tódolos trámites de calidade.
Nos vindeiros días tamén está prevista a incorporación aos lineais dos supermercados e demais puntos de venta máis briks con este mesmo marchamo de produtos das firmas, Alimentos Lácteos, Leyma e Larsa, que xa formalizaron a preceptiva solicitude diante do LIGAL, estando prevista a súa autorización en breve.
Ademais diferentes queixerías galegas están amosando o seu interese por incorporar o etiquetado coa marca “Galega 100%”, mantendo nestes intres o laboratorio contactos coas mesmas con vista a su próxima adhesión á marca.
Cómpre así salientar, que as principais referencias comerciais do sector lácteo da nosa Comunidade Autónoma incorporarán de forma paulatina a marca como valor engadido cara á súa comercialización.
Con esta saída ao mercado da marca “Galega 100%” dáse un paso decisivo cara a vertebración do sector leiteiro coa plena implicación da maioría das industrias que operan na nosa Comunidade así como da práctica totalidade da distribución. En canto a esta última cabe salientar que entre un 70 e un 80% dos supermercados e grandes superficies contarán a partir de agora con cartóns etiquetados coa marca que define a calidade diferenciada da leite galega.
Campaña
A posta en circulación de produtos con este distintivo será reforzada, por parte do departamento que dirixe Samuel Juárez, cunha campaña de promoción nos propios centros de distribución, que se suma á xa desenvolvida desde finais do pasado ano nos medios de comunicación. Así, Medio Rural situará nos lineais indicadores con luces tipo led para chamar a atención dos consumidores sobre a situación exacta dos briks etiquetados, e colocará tamén carteis indicativos.
Todo este labor enmárcase no Plan Estratéxico impulsado desde o Goberno Galego para o sector lácteo, que ten entre os seus principais obxectivos estratéxicos conseguir a vertebración do sector e impulsar a comercialización de produtos galegos de calidade diferenciada, con esta marca como ferramenta fundamental.
Neste sentido, a Xunta quere agradecer a boa disposición de industria e distribución para incorporarse a este proceso, cuxos primeiros pasos diante da opinión pública dábanse xa en xullo de 2010, coa presentación oficial desta marca de calidade polo propio presidente Núñez Feijóo e o conselleiro Samuel Juárez.
Actuacións
A Consellería do Medio Rural desenvolveu nos últimos meses unha serie de actuacións que teñen como finalidade dar cumprimento a ditas liñas de actuación estratéxicas. Por unha parte, aprobouse o Decreto 124/2010, polo que se regulan as mencións relativas á orixe ou procedencia galega na etiquetaxe, presentación e publicidade dos produtos alimentarios. Por outra banda, creouse, mediante o Decreto 57/2010, o Rexistro de Explotacións Leiteiras de Calidade Diferenciada.
Máis do 70% das explotacións lácteas galegas, que integran en torno ao 80% da produción, cumpren estes parámetros de calidade, sensiblemente máis restritivos que os xa rigorosos da normativa europea.
Por último, e en estreita conexión co anterior, promoveuse a creación desta marca de garantía para identificar os produtos lácteos elaborados a partir do leite das explotacións do dito rexistro, marca que agora sae ao mercado.
As industrias lácteas que utilicen exclusivamente ou de xeito separado leite procedente das explotacións do devandito rexistro e que teñan un sistema de rastrexabilidade axeitado, que permita identificar en todo momento a procedencia da materia prima utilizada e dos produtos en elaboración, poderán identificar o leite e os produtos lácteos elaborados coa marca “Galega 100%”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
