Nota de prensa
Besteiro anuncia unha axuda extraordinaria de 40.000€ “para facer da Semana Santa de Viveiro a máis grande de Galicia”
– Este investimento responde á petición do Alcalde para impulsar unha celebración coa que Viveiro duplica a súa poboación e acada o 100% da ocupación hoteleira
– Esta achega sen precedente no organismo provincial, supón preto do 25% do presuposto total co que contan as confrarías para a celebración desta festividade
– Deputación e Concello suman esforzos para lograr a declaración de Interese Internacional que persegue o municipio. O equipo de Goberno provincial levará esta proposta ó vindeiro Pleno Provincial
O Presidente da Deputación, José Ramón Gómez Besteiro, e o Alcalde de Viveiro, Melchor Roel, mantiveron este martes unha reunión cos membros da Xunta de Confrarías de dito municipio para establecer novas vías de financiamento de cara á celebración da Semana Santa. Trátase dunha festividade declarada de Interese Turístico Nacional, que reúne unhas 30.000 persoas, duplicando a poboación no municipio viveirense, e logrando o 100% da ocupación hoteleira. Gómez Besteiro destacou a importancia deste acontecemento para economía de Viveiro e da provincia en xeral, e adiantou unha axuda extraordinaria de 40.000 euros para “facer da Semana Santa de Viveiro a máis grande de Galicia. Deste xeito, a Deputación aporta preto do 25% do presuposto total co que contarán as confrarías para a celebración desta festividade”.
Este investimento sen precedente no organismo provincial responde á petición do Alcalde para lograr a declaración de Interese Internacional da que xa é, xunto coa de Ferrol, a Semana Santa máis destacada e referente en Galicia. Neste senso, Besteiro adiantou que o equipo de Goberno levará ó vindeiro Pleno unha proposta para lograr o apoio de todos os grupos políticos a este respecto. Da mesma forma, avanzou que o vindeiro 8 de abril, o Pazo de San Marcos será o escenario da presentación oficial da Semana Santa viveirense. Deste xeito, Deputación e Concello seguen sumando esforzos ó igual que fixeron na celebración da Feira Internacional de Turismo –FITUR- onde expuxeron un vídeo promocional da celebración deste acontecemento na localidade viveirense elaborado pola Fundación TIC, organismo dependente da institución provincial.
Nos últimos anos, Melchor Roel logrou potenciar esta festividade traballando conxuntamente coas confrarías. Deste xeito, unificou o esforzo dos máis de 3.000 confrades, -preto do 20% da poboación total de Viveiro-, mediante o impulso á Xunta de Confrarías. Este colectivo representa as 8 confrarías viveirenses: “Venerable Orden Tercera”; “Del Rosario”, “Santísimo Cristo de la Piedad”; “Hermandad de Prendimiento”; “de las Siete Palabras”; “de la Santa Cruz”; “Nazarenos dos de Fóra”; e “Misericordia”. Dende a súa formación, recibe unha subvención directa do Concello de 64.000 euros. Ademais, por primeira vez, e a instancias de Roel, teñen a súa disposición distintos locais municipais de ensaio, reunión e almacenaxe. A maiores, durante a Semana Santa, conta cunha carpa-museo de 30 metros de fondo onde expoñen todos os seus pasos.
Participantes na xuntanza
Na reunión, ademais de Besteiro e Roel, participaron: José Veiga, Presidente da Xunta de Confrarías; Sergio San Isidro, Vicepresidente; René Gómez, Secretario; Josefa Jirón, Tesoureiro; María del Carmen López, Hermana Mayor de la Santa Cruz; e Jorge Quellé, confrade.
Campionato de Baristas en Foz
Alumnos de segundo da Escola de Imaxe e Son da Fundación TIC están a gravar e a proxectar en directo o IV Campionato de Baristas de Escolas de Hostalería de Galicia, Asturias, Cantabria e Portugal que se desenvolve hoxe e mañá nas instalacións do E.I.S. focense. Isto é posible grazas ó convenio de colaboración entre o instituto de Foz, organizador do encontro, e a Fundación TIC, que desprazou unha unidade móbil ata a localidade mariñá. Gómez Besteiro, que tiña previsto participar nesta cita, non o puido facer logo de prolongarse a reunión do Padroado da Fundación do Centro Superior Cinexético e Piscícola de Galicia que presidiu, e que tivo lugar na sede da Fundación TOR en Monforte de Lemos.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
