Nota de prensa:
A POLICÍA AUTONÓMICA CONTRIBÚE Á MELLORA DOS RESULTADOS DE GARDACOSTAS NA LOITA CONTRA O FURTIVISMO
*
O ano pasado realizáronse 86 operativos conxuntos nos que se identificaron 1.250 persoas e se tramitaron 418 denuncias e 15 dilixencias policiais.
*
Ademais, os axentes incautáronse de case un milleiro de útiles empregados polos furtivos.
As consellerías de Presidencia, Administracións Públicas e Xustiza e do Mar salientaron hoxe os excelentes resultados que está a dar a colaboración prestada pola Unidade de Policía Adscrita a Galicia (UPA) ao Servizo de Gardacostas no traballo conxunto para a erradicación do furtivismo no litoral galego.
A consellería dirixida por Alfonso Rueda presentou ante Consello da Xunta un informe de balance sobre a actividade común que levan a cabo estes departamentos para a prevención e a loita contra o furtivismo, un problema que afecta tanto ao sector pesqueiro como os propios recursos mariños e o medio ambiente da comunidade.
Para incrementar a loita contra este problema e facela máis efectiva, a Xunta potenciou a intervención da Unidade de Policía Adscrita a Galicia -coñecida como Policía Autonómica- nos dispositivos de loita contra o furtivismo e marisqueo ilegal, en colaboración cos servizos de vixilancia pesqueira, de tal xeito que xa se están a recoller os froitos de potenciar esta colaboración.
Así, os resultados do informe desvelan que, a través destes operativos especiais, se constata un reforzo en comisos e incautacións. Nestas 86 intervencións conxuntas os axentes autonómicos aprehendéronse dun total de 995 útiles entre os que cabe destacar 27 embarcacións ou vehículos, 114 traxes de neopreno ou 107 nasas, entre outros. Ademais identificáronse a 1.250 persoas, foron tramitadas 418 denuncias e abríronse dilixencias policiais (atestados) en 15 ocasións.
Os resultados dos 86 dispositivos conxuntos entre Policía Autonómica e servizos de vixilancia pesqueira véñense a sumar ao resto de operacións levadas a cabo por gardacostas, Seprona ou os gardapescas. Estes operativos téñense traducido nun incremento substancial do respecto que os furtivos manifestan aos axentes da Consellería do Mar grazas á presenza do persoal policial evitando que o labor de control dos gardacostas derive en problemas de orde pública.
Coa colaboración prestada polos axentes da UPA aos axentes de Gardacostas, recupérase o apoio que a Policía Autonómica deixara de levar a cabo desde 2005 en materia de furtivismo e marisqueo ilegal, pese ao seu notable éxito. Foi a mediados de 2009 cando a Consellería do Mar amosou a súa preocupación polos constantes incidentes relacionados co marisqueo ilegal, especialmente pola repercusión negativa na seguridade dos traballadores do mar e do seu propio persoal encargado da regulación e control do marisqueo e da súa actividade extractiva.
Este interese da Consellería do Mar levou á de Presidencia a retomar e reforzar, como unha tarefa específica da Policía Autonómica, a loita contra o furtivismo en colaboración coa Subdirección Xeral de Gardacostas. Así, xa a comezos do ano 2010 integráronse parte dos seus axentes nun grupo policial, debidamente formado e preparado para tarefas de protección e intervención específica.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
