Nota de prensa
O PROXECTO BUXIGANGA AXUDOU A MEDRAR AO TEATRO NA MARIÑA, CON GRAN ÉXITO ENTRE O PÚBLICO E OS GRUPOS TEATRAIS
O delegado de Cultura participou no programa de Radio Valadouro “Parolando” xunto con representantes do teatro mariñao, valorando moi positivamente o programa posto en marcha pola Área de Cultura
A MARIÑA, 26 de febreiro de 2011. O delegado de Cultura da Deputación de Lugo participou o pasado xoves no programa de Radio Valadouro “Parolando”, xunto con Neves Cando, concelleira de Cultura de Burela, e representantes de grupos de teatro mariñaos: Francisco Piñeiro, do Bordelo (Cervo), Paz Rodríguez, de Ardora (San Cibrao), e o condutor do espazo José Peinó, que forma parte do grupo teatral Raiolas. Os participantes fixeron unha valoración do que supuxo o proxecto Buxiganga na Mariña, e consideraron que o grande éxito acadado nas pasadas edicións se verá reafirmado na próxima, que será presentada proximamente nunha rolda de prensa.
O programa Buxiganga ten o obxectivo de potenciar o teatro en todas as súas vertentes como un elemento de transmisión cultural, ademais de fomentar o emprego do galego e cumprir unha importante función de cohesión e integración social. No transcurso do programa de radio, Antonio Veiga, ademais de agradecer aos convidados e á propia emisora o feito de propiciar un debate sobre o teatro, fixo unha moi positiva valoración do funcionamento de Buxiganga na Mariña, de onde participan os grupos A Adala (Foz), Ardora (San Cibrao), Axóuxeres (Vilaronte, Foz), O Bordelo (Cervo), Batán (Foz), TeatroCrea (Viveiro), e Raiolas (Alfoz). “É probablemente a comarca onde mellor funciona Buxiganga, as actuacións están sempre cheas de xente, especialmente na zona de Foz e Burela”.
En canto ao público e a afección polo teatro que existe na comarca, Antonio Veiga valorou que “na Mariña hai unha afección moi grande, que enche practicamente todas as actuacións de público”. Explicou que dentro do proxecto se realizan tamén cursos de formación para os propios formadores, como o de pedagoxía teatral que se desenvolveu recentemente no Museo Provincial de Lugo. “As nosas accións formativas resultaron proveitosas en todos os aspectos, tivemos cursos con formadores moi importantes a nivel galego como Fernando Dacosta ou Paloma Lugilde”, comentou Veiga. A maior parte dos cursos completaron o aforo, e supuxeron un punto de encontro entre os grupos moi importante. As novidades de cara á nova edición de Buxiganga e dos cursos que se realizarán, tamén na Mariña, serán detalladas proximamente.
Pola súa banda, Paco Piñeiro afirmou que “Buxiganga é un proxecto moi singular, porque abarca toda a provincia e marca unha gran diferenza, como é que é a administración a que se achega ao teatro, e non o teatro o que ten que achegarse ás administracións. Iso é de aplaudir”. Neves Cando explicou que en Burela existiu desde fai moitos anos a tradición do teatro, e valorou moi positivamente que a Área de Cultura retribúa aos actores o seu traballo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
