Nota de prensa
COMUNICADO DE PRENSA DO BNG DE RIBADEO
Non fagamos da política unha lameira
“Para andar de troula todo o mundo se apunta. Para traballar día a día, mellor que o fagan outros”. Ese foi o espírito da oposición nas últimas semanas. Todo o mundo se apuntou ao “difama, que algo queda”, como se todo isto fora un antroido permanente. Polo que se ve, máis alá dunha valla publicitaria (con reberetes de axencia inmobiliaria), un pequeno díptico no que se gaban as “bondades do goberno de España” e un par de comunicados, o único que queda é difamar. Non teñen alternativa. Ou polo menos, non a dan presentado ante o electorado ribandese.
Hai nove meses deron o mesmo espectáculo. Tiveron nas súas mans a oportunidade de artellar unha alternativa pero non foron quen. Só os unía o afán de derrubar o goberno municipal. Por momentos, a xenreira persoal cara á figura de Fernando Suárez Barcia, e por extensión cara aos demais membros do equipo de goberno, chegaba a límites insoportábeis que denotaban ben pouca madurez política. Que patético e insulso pode resultar un proxecto que só se move pola carraxe cara ao éxito das xentes novas que nos deron o relevo.
Cando falta discurso político cáese no “todo vale”. E aí, os conservadores galegos dannos mil voltas. Demostrárono na campaña das anteriores autonómicas e vólveno poñer en práctica de cara ás municipais. Canto cren vostedes que pode tardar algún dirixente local, comarcal ou autonómico en buscar parentescos máis ou menos directos dalgunhas persoas seleccionadas para un posto calquera (cursos de formación, de reciclaxe, contratos temporais, etc.) con representantes políticos (ou aspirantes a selo)?
Ademais, é que o teñen moi fácil. Acostumados a ter todo o poder, cando gobernaban todas as institucións, dicían sen complexos que era normal que “a súa xente” acaparara os postos, porque era o reflexo da sociedade galega (lémbrese a Xosé Luis Baltar na Deputación de Ourense ou a Cacharro Pardo na de Lugo). E como perderon unha parte considerábel dese poder, resulta que xa cambiaron a vara de medir: agora non pode aprobar ninguén que se poida relacionar (aínda que só sexa polo voto) cos demais partidos. Pero os do PP si, porque como están na oposición, non poden ser relacionados co goberno. Que haxa candidatos doutras opcións políticas, que se din de esquerdas, que lle entren ao xogo á dereita galega nesta lameira política, é unha vergonza. Se non, que llo pregunten ao seu secretario xeral.
Con procesos de selección transparentes, nos que rexan os principios de publicidade, igualdade, mérito e capacidade é como se pode conseguir unha administración eficaz. E así se fixo no Concello de Ribadeo. Pero non contentos, aínda teñen que difamar agora sobre a composición dos tribunais. De novo poñen en marcha o ventilador e, esquecendo as capacidades profesionais dos membros de tribunais seleccionados (de perfil heteroxéneo), resulta que, se aproba alguén que lles cae mal, entón hai trampa. Que pouca seriedade para alguén que di aspirar a gobernar pensando en todas e todos os ribadenses.
Mentres tanto, os representantes do BNG no concello de Ribadeo, han seguir traballando arreo para sacar adiante as nosas propostas e as que nos cheguen da man da veciñanza e poidan ser enriquecedoras para todos e todas. Co traballo de todos os días hemos de dignificar a vida das nosas institucións de goberno.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
