Nota de prensa
Melchor Roel anuncia que a Deputación activará este mes 19 novos trámites por Internet
– Deste xeito, serán xa 37 os que estarán operativos, dos 68 que finalmente poderán realizar os cidadáns coa Deputación grazas ó programa europeo Innova-TE
– En canto ós trámites cos Concellos, ó finalizar marzo xa estarán activos 58 dos 79 que están previstos en total
– O responsable da Área de Persoal deu a coñecer estes datos na xuntanza que mantivo cos xefes de servizo para informalos dos pasos dados e as fases que restan para finalizar a implantación da Administración Electrónica
O Deputado de Persoal, Recursos Humanos e Réxime Interior, Melchor Roel, anunciou este xoves que ó longo deste mes activaranse 19 novos trámites administrativos por Internet, co cal serán xa 37 os que estarán operativos, dos 68 que finalmente poderán realizar os cidadáns coa Deputación cando remate a implantación da Administración Electrónica na provincia grazas ó programa europeo Innova-TE. Roel deu estas cifras no transcurso da xuntanza informativa que mantivo cos xefes de servizo do organismo provincial, na que lles deu a coñecer os pasos dados e as fases que restan para concluír a posta en marcha da e-Administración.
Deste xeito, algúns dos procedementos que se activarán este mes son: consulta e rexistro de facturas de provedores, baixa e alta no rexistro de licitadores, consulta de débedas, alta e baixa na domiciliación de recibos e taxas ou modificación de datos fiscais. En canto ós trámites que os veciños poderán realizar cos seus Concellos, ó finalizar marzo xa estarán activos 58 dos 79 que están previstos en total.
O dirixente da Deputación recalcou que grazas ó programa Innova-TE, financiado pola Unión Europea nun 70%, “a provincia pasou de estar no furgón de cola en materia de e-Administración a situarse á cabeza de Galicia”. Tamén insistiu en que a Xunta debe axilizar ó máximo a implantación da banda longa na provincia, que hoxe é a última das catro galegas no acceso a esta tecnoloxía, para non frear a velocidade do programa tecnolóxico e que o grande esforzo realizado non fose en balde.
Na mesma reunión, un equipo técnico do Innova-TE subliñou as vantaxas que a Administración Electrónica ten na labor diaria dos traballadores, pois gañan en rapidez e eficiencia, ademais de prestar un mellor servizo ós cidadáns, máis áxil e transparente. Os profesionais tamén lles explicaron ós traballadores polo miúdo as novas ferramentas e procedementos de traballo que teñen a súa disposición. Neste senso, incidiron de maneira especial na Intranet corporativa, Intr@lugo, pois, ademais de ser moi útil para cuestións internas do cadro de persoal, nesta aplicación atópanse as ferramentas que teñen que usar para realizar a tramitación e xestión administrativa por vía telemática.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
