Nota de prensa
CALENDARIO DE ACTOS ENTROIDO 2011 – CONCELLO DE CERVO
– Venres, 04 de Marzo
* SAN CIPRIÁN
o 22: 30 h. CEA DE COMADRES en Restaurante Buenavista.
Organiza: Amas de Casa e Consumidores ALBORADA.
-Sábado, 05 de Marzo
* CERVO
o 18.30 h. DESFILE DE ENTROIDO INFANTIL, FESTIVAL DE PLAY-BACKS E ESPECTÁCULO DE MAXIA E CONTACONTOS a cargo de Raviolina
Organiza: Airiños do Xunco
-Domingo, 06 de Marzo
* CERVO
o 18:00 h. DESFILE DE ENTROIDO.
+ Saída do Colexio
+ As comparsas deberán inscribirse antes do día do desfile (domingo). Para facelo terán que contactar con algún membro da directiva de “Airiños do Xunco”
Organiza: Asociación Cultural Airiños do Xunco
– Luns, 07 de Marzo
* SAN CIPRIÁN
o 17:30 h. BAILE INFANTIL DE ENTROIDO
o Pavillón Municipal de Deportes
o Animación, inchables e xogos infantís con agasallos aos participantes.
– Martes, 08 de Marzo
* SAN CIPRIÁN
o 18:00 h. DESFILE DE ENTROIDO
+ Amenizado pala charanga “FARANGULLAS” de Foz.
# Percorrido: Saída do Pavillón Municipal de Deportes e chegada á praza da Casa da Cultura.
# Premios ás mellores comparsas e vales de consumición nos locais de hostalería da vila a todos os participantes.
+ Ao remate do desfile entregaranse os premios infantís no auditorio.
+ As nenas e nenos poderán gozar de xogos Inchables no Pavillón Municipal da Veiga
o 22:00 h. CEA DE ENTROIDO no Restaurante Buenavista.
# Retirada de invitación no propio local.
# Organiza: CIT San Ciprián.
o 22:00 h. BAILE DE ENTROIDO en Discoteca Pasos.
o Ás 00:30 h. farase entrega dos premios aos gañadores do desfile.
Organiza: Asociación “A Sombriza” e Concello de Cervo.
Colaboran: Amas de casa “Alborada”, A. Veciños “Cruz da Venta”, CIT San Ciprián, Asociación “Os Farillóns”, Asociación “Pasiño a Pasiño”
– Sábado, 12 de Marzo
* SAN ROMÁN
o 22.00 h. Festa de Entroido
o Pavillón da Comunidade de Montes de San Román
Organiza: Mulleres Rurais As Espalladoras
INFORMACIÓN AOS MEDIOS
O CONCELLO REPARTIRÁ PRETO DE 6.000 EUROS EN PREMIOS NOS ENTROIDOS QUE TERÁN LUGAR NAS DISTINTOS NÚCLEOS DO MUNICIPIO
* O domingo 6 de marzo en Cervo, o martes 8 de marzo en San Ciprián e o sábado 12 de marzo en San Román terán lugar os desfiles de Entroido.
Cervo, 4 de marzo de 2011.- O Concello repartirá preto de 6.000 euros en premios e agasallos entre os participantes nalgunha das tres citas festivas de Entroido que terán lugar proximamente neste municipio. Así o explicou a concelleira de Cultura e Xuventude, Chelo Gallego, quen tamén animou a todos os veciños da comarca a participar nelas e ter así a oportunidade de obter un premio para os mellores disfraces.
O Concello colaborou coas principais asociacións para a elaboración dun amplo programa de actividades no que as tres principais citas son os desfiles de Entroido que terán lugar o domingo 6 de marzo en Cervo, na capital municipal, a partir das 18.00 horas, con saída desde o colexio. O martes, 8 de marzo, será a quenda do desfile de San Ciprián, con saída do pavillón da Veiga; e finalmente o sábado 12 de marzo, celebrarase a festa de Entroido no pavillón da comunidades de montes de San Román con baile a partir das 22 horas e desfile a partir das doce da noite. No caso de Cervo a organización correrá a cargo da asociación Airiños e en San Román a cita está organizada polas Mulleres Rurais As Espalladoras, contan ambas co apoio e colaboración do Concello.
OUTROS ACTOS
Con todo, este ano tamén haberá outras citas de relevancia, como son as tradicionais cenas organizadas polas asociacións Alborada –hoxe, 4 de marzo “Cea de Comadres” no restaurante Buena Vista de San Ciprián- e a cena que o propio martes 8 -día do desfile- organiza o Centro de Iniciativas Turísticas. Para participar en ambas cómpre poñerse en contacto coas devanditas entidades.
DESFILES INFANTÍS EN CERVO E SAN CIPRIÁN
Ademais, a asociación “Airiños do Xunco” organizou para mañá, 5 de marzo, en Cervo unnha festa de play-backs e un desfile de Entroido infantil, que terá lugar no Salón de Plenos-Auditorio da Casa do Concello a partir das 16.30 horas. E o luns, 7 de marzo, no pavillón da Veiga, será a quenda do desfile infantil en San Ciprián, tamén con música e xogos varios.
INSCRICIÓN NO ENTROIDO EN SAN CIPRIÁN
Dende a concellería de Cultura do Concello de Cervo lembran ás persoas interesadas en participar no desfile de Entroido de San Ciprián que hoxe é o derradeiro día para inscribirse se queren ter dereito a recibir vales de consumicións para os establecementos de hostalería da vila colaboradores co Entroido. Para facelo, deberán dirixirse á casa da Cultura.
De tódolos xeitos, o prazo de inscrición para aquelas persoas e grupos interesados en concursar e optar ao premio da súa categoría rematará o mesmo día do desfile (martes día 8). Iso si, aqueles que opten por inscribirse o vindeiro luns (07 de marzo) ou o propio martes, día 8 (de 16.00 a 17.30 horas) na oficina habilitada ao efecto no Pavillón Polideportivo Municipal da Veiga non terán dereito a recibir ditos vales de consumición.
VALES POR CONSUMICIÓNS NA HOSTALERÍA
O Concello de Cervo fará entrega de preto de 6.000 euros en premios a repartir entre aqueles que desexen participar neste desfile de Entroido de San Ciprián. Poderase optar por participar a título individual, por parellas, como grupo ou comparsa. Os premios inclúen desde diñeiro en metálico para os gañadores ata vales para consumicións nos establecementos de hostalería colaboradores co Entroido (para todos os que se inscriban na Casa da Cultura ata hoxe, venres 4 de marzo, como dixemos anteriormente).
Estes vales para consumicións serán por valor de 5€, para a categoría individual, 10€ para as parellas, 25 € para os grupos, e 50€ para as comparsas.
XOGOS INCHABLES AO REMATAR O DESFILE
O punto de partida do desfile será, unha vez máis, o Pavillón Polideportivo Municipal da Veiga. Alí dará inicio un percorrido polas principais rúas de San Ciprián que rematará na Casa da Cultura. Neste momento está previsto a entrega dos premios para os menores de 18 anos,así como a dos vales de consumicións, previa deliberación do xurado. Os máis novos ademais están convidados a participar nunha actividade con xogos inchables organizada pola asociación A Sombriza no pavillón da Veiga, xusto ao rematar o desfile.
Non será ata a noite, no baile de disfraces que comezará as 22.00 horas na Discoteca Pasos, cando teña lugar a entrega dos premios en metálico das categorías de adultos.
PREMIOS EN METÁLICO
Segundo explicou concelleira de Cultura do Concello de Cervo, a popular Chelo Gallego, o reparto dos premios en metálico se efectuará do seguinte xeito:
Individual:
1º premio: 50 €
2º premio: 30 €
3º premio: 20 €
Parellas:
1º premio: 100 €
2º premio: 70 €
3º premio: 50 €
Grupos:
1º premio: 150 €
2º premio: 100 €
3º premio: 70 €
Comparsa Xuvenil-Infantil
1º premio: 250 €
2º premio: 150 €
3º premio: 100 €
Comparsa Adultos
1º premio: 400 €
2º premio: 250 €
3º premio: 150 €
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
