Nota de prensa:
Vitoria sufrida do equipo laranxa (2-1) e espectáculo lamentable na bancada
Ocorre de cando en vez: que determinados energúmenos confunden un acontecemento deportivo cunha pelexa na rúa para dar a nota e ameazan o espectáculo con actitudes fóra de ton. E aconteceu en Vista Alegre o pasado sábado, no partido que enfrontaba a un Gasifred voluntarioso cun Burela FS en horas baixas que tenta recuperar sensacións. Os de Suso Rey impuxéronse (2-1) con dificultades a un rival que botou máis gañas que ocasións e o equipo visitante amparábase nos ánimos que recibía desde a bancada, grazas a unha afección rival que se deixaba os pulmóns e parte do fígado en apoiar aos seus, por moito que as protestas foran inútiles ou estiveran totalmente equivocadas.
Todos os goles chegaron na primeira parte. Por parte do conxunto laranxa anotaron Víctor Cachón e Christian e polos visitantes marcou Leo. Unha pena a falta de acerto de cara á porta dos locais, que puideron sentenciar o choque en varias ocasións. Con todo, merecido triunfo dos laranxas, que continúan a súa viaxe particular cara ao play off de ascenso, malia as malas etapas, malia resultados adversos inesperados. O Burela FS segue na loita.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
