Nota de prensa
O SALÓN DE PLENOS DO CONCELLO ACOLLERÁ MAÑÁ A CUARTA EDICIÓN DAS CHARLAS SOBRE MULLERES TRABALLADORAS DA VILA, UN ACTO ORGANIZADO PARA CONMEMORAR O DÍA INTERNACIONAL DAS MULLERES.
Burela, 16 de marzo de 2011. O salón de plenos do Concello acollerá mañá a partires das sete da tarde a cuarta edición das charlas sobre mulleres traballadoras da vila, un acto co que rematarán os organizados desde Burela para conmemorar o día internacional das mulleres. Na charla deste 2011 participarán catro mulleres que foron pioneiras no ámbito empresarial e no mundo do mar.
A concelleira de Benestar Social, Neves Cando, lembrou que “estas charlas puxémolas en marcha no 2008, ese ano fixemos unha homenaxe ás nosas mulleres traballadoras das primeiras fábricas de conservas y de gres e á primeira mestra coa que contaron as escolas de Burela. Foi unha xornada moi emotiva de lembranza destas cinco mulleres que compartiron con nós as súas vivenzas laborais destes primeiros oficios emerxentes en Burela”. A edil nacionalista seguiu a relatar que “no 2009 quixemos ofrecer unha visión máis actual desas nosas mulleres traballadoras e así contamos cunha xornalista, coa directora da escola infantil de Burela e iniciadora no seu momento desa gardería en Burela, cunha empresaria e cunha fisioterapeuta e tamén xogadora de fútbol sala. Elas contrapuxeron a visión realizada polas mulleres que participaron no acto do ano anterior e ofreceron a súa opinión sobre o mundo laboral na actualidade. No 2010 fixemos unha dobre actividade, unha proxección de curtas cunha visión do mundo desde a óptica feminina e a presentación duns vídeos feitos por cinco mulleres de Burela que participaron nos obradoiros de informática da rede de dinamización. Memoria de muller foi o título desta coleccións de vídeos, feitos por estas mulleres que se enfrontaron por primeira vez ao mundo das novas tecnoloxías”.
Cando anunciou que “mañá queremos render homenaxe a catro mulleres que no seu momento foron pioneiras nas súas actividades laborais. Contaremos con Salomé Gómez, que rexentou durante moitísimos anos o mesón O Poeta de Burela; estará tamén Angelina Regueira que tamén rexentou durante anos a librería Curros, que ven de pechar as súas portas; e teremos unha visión do mundo do mar a través de María Díaz, que andivo moito tempo ao mar e Regina Santos, como redeira que está a piques de xubilarse deste oficio. Con esta cuarta experiencia queremos seguir rendendo homenaxe ás nosas mulleres traballadoras e cada un destes anos nunha faceta distinta, neste caso tócalles a esas primeiras mulleres que abriron camiño no mundo empresarial e no mundo do mar tan presente na nosa vila”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
