BURELA.- A empresa Materiales Cerámicos de Burela regulará, durante seis meses, a 32 dos 39 empregados da plantilla. Os traballadores acataron en asamblea o preacordo de regulación temporal de emprego que acadaron empresa e centrales sindicais.
NOTA DE PRENSA:
ASINADO ACORDO PARA REGULACIÓN TEMPORAL DE EMPREGO EN MACESA
Os traballadores e traballadoras de MATERIALES CERÁMICOS,S.A. (MACESA) decidiron onte en asemblea aceptar o preacordo ao que chegaran os delegados coa empresa.
Ás 18h. tivo lugar nas dependencias da empresa MACESA (Gres Burela) a asemblea na que os traballadores e traballadoras tomaron a decisión de ratificar o preacordo ao que se chegara nas negociacións entre a dirección da mesma e os representantes do persoal. Á mesma asistiron 35 das 39 persoas que compoñen a plantilla.
O proceso de negociación coa dirección da empresa prolongouse durante os tres últimos meses. Os traballadores e traballadoras da empresa foron puntualmente informados de cada paso que se foi dando na negociación nas distintas asembleas que se celebraron neste período.
Nesta última asemblea, os delegados e os membros do sindicato que os asesoraron durante o proceso negociador, informaron da documentación económica aportada pola empresa e dos compromisos que aceptou esta na última reunión.
O Expediente de Regulación Temporal de Emprego (ERTE) proposto pola empresa sería temporal, cunha duración de 6 meses (entre o 01 de xaneiro e 01 de xullo de 2009), e afectaría a 32 dos 39 traballadores e traballadoras da plantilla. Entre os compromisos adquiridos pola empresa tras a negociación están os seguintes:
* manter os postos de traballo actuais e, incluso, converter en indefinidos todos os contratos eventuais previamente ao inicio do expediente;
* O abono da paga de beneficios integra no 2009 e 2010;
* Facerlle efectivo a cada traballador ou traballadora a cantidade de 100 euros mensuais como compensación pola merma dos salarios e mentres non se reincorporen á empresa.
* Indemnización de 45 días por ano de traballo no caso de que a empresa prescindise dos servizos dun traballador ou traballadora mentres dure o expediente.
Todos estes compromisos contribuíron a erradicar os iniciais temores existentes entre a plantilla e aumentar a confianza de que este expediente de regulación temporal servirá para retomar a produción no mes de xullo.
Os delegados da Confederación Intersindical Galega, como facemos sempre dado o noso compromiso co asemblearismo, sometemos a referendo entre os traballadores e traballadoras a aceptación destas condicións. O resultado de 26 votos a favor por seis en contra non deixou lugar a dubidas sobre a decisión maioritaria de asinar o acordo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
