Nota de prensa
Variante Viveiro VAC
VAC Costa Norte
O conselleiro de Medio Ambiente lembra que ningún dos tramos da Vía de Altas Prestacións da Costa Norte está paralizado e invita ao PSdeG-PSOE a esixir a Fomento responsabilidades pola deixadez no tramo San Cibrao-Barreiros
Hernández afirma que o enlace centro de Viveiro converte á variante nunha auténtica circunvalación que mellorará a mobilidade e a accesibilidade a este concello
*
O responsable de Infraestruturas recorda que a redacción do proxecto de trazado e construción do treito foi adxudicado en abril de 2007 e lembrou que no contrato asinado coa empresa adxudicataria xa se facía constar que o proxecto incluiría un enlace intermedio no treito Landrove-Celeiro
*
Destaca a máxima sensibilidade do actual Goberno cos veciños de Viveiro afectados por esta actuación, como demostra o feito de que foron recibidos en varias ocasións polo persoal directivo e técnico da Consellería
*
Salienta a importancia de avanzar no tramo estatal entre San Cibrao e Barreiros, co fin de evitar unha perda de operatividade desta obra
Santiago, 23 de marzo de 2011.- O conselleiro de Medio Ambiente, Territorio e Infraestruturas, Agustín Hernández, afirmou esta mañá no Parlamento galego que o enlace Centro de Viveiro converte á variante nunha auténtica circunvalación que mellorará a mobilidade da poboación, así como a accesibilidade ao núcleo urbano, desconxestionando as travesías da capital municipal e de Celeiro, que sofren importantes retencións sobre todo na época estival.
O responsable de Infraestruturas explicou que a solución escollida é a mellor tecnicamente e non supón ningún trámite de modificación de proxecto, senón que se axeitaron as necesidades de conexión á viabilidade técnica e ambiental do enlace durante a fase de redacción do proxecto, destacou.
Hernández subliñou que a redacción do proxecto de trazado e construción do treito foi adxudicado en abril de 2007 e lembrou que no contrato asinado coa empresa adxudicataria xa se facía constar que o proxecto incluiría un enlace intermedio no treito Landrove-Celeiro e a conexión do núcleo de Viveiro. Nese senso, tildou de falsas as afirmacións do Partido Socialista de que este proxecto de trazado e construción, do treito que inclúe a variante de Viveiro, estivera xa redactado e entregado cando tomou posesión o actual Goberno.
Sinalou que na actualidade se está ultimando a valoración das 83 alegacións recibidas durante o período de información pública, das cales un total de 81 son de particulares, unha do Concello de Viveiro e outra da Deputación Provincial de Lugo.
O responsable de Infraestruturas do Goberno galego destacou a máxima sensibilidade do Goberno para minimizar as afeccións desta actución, é mostra disto –aclarou- é o feito de que os veciños e afectados foron recibidos en varias ocasións polos técnicos responsables da Consellería. Nestes encontros déuselles conta das variacións introducidas e explicóuselles a necesidade de incluír o enlace centro de Viveiro e a inviabilidade, desde o punto de vista técnico, de materializar o enlace no anterior trazado. Recordou que a propia directora xeral de Infraestruturas recibiu aos afectados no seu despacho.
“Ningún tramo paralizado”
O conselleiro de Medio Ambiente, Territorio e Infraestruturas afirmou que o departamento que dirixe “non ten nin un só tramo da VAP Costa Norte paralizado” e trasladou a súa perplexidade polas continuas acusacións do grupo socialista galego ante os supostos retrasos nos tramos da Xunta desta infraestrutura. Neste senso, solicitou ao PSdeG-PSOE que sexa igual de reivindicativo ante o Ministerio de Fomento para que “abandone a lentitude coa que leva anos tramitando o estudo informativo do tramo San Cibrao-Barreiros”.
Hernández sinalou que non se pode permitir que a obra perda parte da súa operatividade, polo que é de gran transcendencia que se execute o tramo de competencia estatal entre San Cibrao e Barreiros. Recordou que este tramo representa a conexión final coa autovía do Cantábrico, polo que a súa construción supón unha mellora dende o primeiro momento para o conxunto da Mariña e todo o litoral norte de Galicia”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
