Nota de prensa
Basanta do Asilo
O BNG esixe a Xunta unha solución para o Asilo de Foz.
O Portavoz do Bloque Nacionalista Galego, Xoán Carlos González Basanta, saíu ao paso da información sobre a negativa da Xunta de Galiza de concertar prazas de residentes no asilo de Foz así como a obrigación de trasladar a varios residentes da mesma ao Xeriátrico de Viveiro o que definiu como “unha nova negativa e unha afronta máis ao noso Concello”.
Segundo Basanta “ a decisión da Xunta de afogar economicamente o asilo de Foz, implica varios aspectos negativos, que non queremos deixar pasar por alto. Primeiro, porque sempre é negativo separar aos residentes do seu núcleo familiar e no caso do asilo de Foz, moitos deles son veciños e teñen os seus familiares no noso Concello. Segundo, porque a reducción de residentes vai en detrimento do número de empregos que xenera o asilo e por conseguinte pode significar a perda de postos de traballo por conveciños nosos. E en terceiro lugar porque a reducción de residentes pon en risco a propia continuidade do centro, un centro que foi construído polos veciños de Foz e no que nos últimos anos s investiron importantes sumas de diñeiro para adaptalo a normativa, que a Xunta establece para este tipo de centros”. “A Xunta de Galiza non pode ficar calada e débelle unha explicación aos veciños de Foz”, afirmou Basanta quen esixiu dos responsábeis da mesma” xa non só que aclaren as razóns desta decisión, senón que expliquen por que é esta unha decisión que só afecta ao centro de Foz e non a outros centros onde existen concertos na comunidade autónoma e tamén, sobre todo isto, que poñan solución riba da mesa. Non é de recibo que xoguen desta maneira cos nosos vellos”.
“Estamos nun tema no que chove sobre mollado”, indicou o nacionalista “posto que ao mesmo tempo que lle quitan a Foz unha dotación comprometida polo bipartito como era o centro de día residencial, posteriormente lla negan ao mesmo tempo que lla comprometen a concellos limítrofes cunha poboación en idade e necesidade de utilizar este tipo de centros moi inferior, agora non contentos con isto, van a polo Asilo, unha dotación que coas súas deficiencias cubría un servicio de prazas cando menos importante para as necesidades do noso Concellos. Os residentes do asilo que poden ser desprazados, as traballadoras que poden perder o seu emprego e o conxunto dos veciños de Foz non nos merecemos un trato como este por parte dos populares”. Basanta incidiu que “esta decisión pon en evidencia que estamos diante do PP de sempre, o PP que ten no maltrato a Foz a súa fixación. Non hai un novo PP en Foz e tan pouco unha política distinta do PP en Foz que non se basee no maltrato aos nosos veciños. A que agarda o PP de Foz para posicionarse contra esta medida do seu partido no ámbito autonómico?. Ou será que os candidatos do PP non son máis que uns mandadiños nas maos deses mesmos que levan dirixindo o PP en Foz nos últimos quince anos e que agora queren cometer cos nosos maiores a mesma felonía que cometeron cando lle negaron as urxencias aos focegos?. Agardamos canda menos que se posicionen con absoluta rotundidade contra esta medida no caso contrario, isto é, que de dar por bo esta decisión teremos que pensar que aos membros desta candidatura non os move o interese xeral”.
Xa por último o Portavoz do BNG afirmou en relación diante da denuncia do PP sobre uns valados colocados polo BNG de Foz cuxa retirada ordenou a Xunta Electoral “que acatamos a decisión da mesma aínda que non a compartimos posto que as reivindicacións que alí plantexamos non teñen a ver coa campaña electoral senón coa actividade ordinaria da nosa organización e co afán de divulgar as nosa propostas. Aínda así non parece o PP a forza política máis indicada para dar leccións de ética a ninguén e desde logo que esta denuncia responde a intención de silenciar algunhas das nosas propostas, particularmente aquelas que mellor o retratan en Foz como é a súa posición sobre as urxencias, ou o centro residencial de día”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
