Nota de prensa
ANTONIO VEIGA PARTICIPOU EN MONDOÑEDO NA PRESENTACIÓN DO ÚLTIMO NÚMERO DA REVISTA “AMENCER”
Este último número da revista que editan os rapaces do Seminario Santa Catalina de Mondoñedo está dedicada integramente á figura de Francisco F. Del Riego
MONDOÑEDO, 14 de abril de 2011. O delegado de Cultura e Deportes da Deputación de Lugo, o nacionalista Antonio Veiga, participou esta tardiña en Mondoñedo na presentación do último número da revista “Amencer”, que elaboran os alumnos do Seminario de Santa Catalina desde 1982, co que están a piques de cumprirse os 30 anos de existencia da mesma. Na presentación da revista, ademais de Antonio Veiga, tamén participaron o alcalde de Mondoñedo, Orlando González, o coordinador da revista, Félix Villares, e o equipo de redacción da mesma, formada por Álvaro Barreira, David Otero, Luís Torreira, Marc Silva, Braulio Casavella e Juan José Montouto, ademais de por Miguel Ángel Rubal, que exerce como redactor xefe, o subdirector, Roberto González, e o director, David Machado, todos eles estudantes de ente primeiro e cuarto de ESO.
Este último número de “Amencer” conta coa particularidade de estar dedicado integramente á figura de Francisco Fernández del Riego. Na revista trázase un perfil completo da vida e obra do escritor, natural de Lourenzá, que foi fundador da editorial Galaxia e presidente da Real Academia Galega, ademais de ser o impulsor, en 1963, da creación do Día das Letras Galegas. A revista recolle as catro entrevistas que se lle fixeron ao homenaxeado, a primeira en 1985, ademais de reproducir o primeiro e último artigo que escribiu para a revista, ‘O Galeguismo de Castelao’, en 1986 e ‘Lembraza do Poeta e Amigo’, do 2009, dedicado a Aquilino Igrexas Alvariño no centenario do seu nacemento.
Ademais, a revista conta coas colaboracións de Armando Requeixo, unha entrevista a Francisco Domínguez, sucesor de del Riego na Fundación Penzol, e cun artigo do propio Félix Villares. Ademais de editarse en papel e repartirse por toda Galicia, así como en Barcelona e Madrid, onde a reciben institucións e persoas interesadas, “Amencer” estreouse conta desde este ano cun lugar en internet e pode consultarse na web www.mondonedoferrol.org, onde xa está colgada desde finais de marzo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
