ADEGA pide o peche das centrais nucleares no 25 cabodano de Chernobil

Nota de prensa:
ADEGA .- 25 de abril, 25 cabodano de Chernobil. Comunicado da Plataforma Antinuclear Estatal: A enerxía nuclear é incompatibel cun modelo enerxético ambientalmente sustentábel. Non e economicamente eficiente e non é socialmente xusta. Nen segura, nen limpa, nen barata. A energía nuclear xa demostrou ser un fracaso económico, tecnolóxico, ambiental e social, causando graves problemas á saude pública e ao medio: accidentes nucleares (tan graves como os de Chernobil e Fukushima), xeración de refugallos radiactivos imposíbeis de eliminar e especial contribución á proliferación das armas atómicas. O movemento antinuclear estatal solidarízase co pobo xaponés perante a traxedia que está a viver e esixe un calendario de peche urxente das centrais nucleares comezando por Garoña, amáis da retirada do actual proceso de selección do emplazamento do ATC, Almacén Temporal Centralizado, coa apertura dun verdadeiro proceso democrático de participación pública.

A enerxía nuclear é moi perigosa. A traxedia de Chernobil amosa a súa capacidade de xerar catástrofes. A radiactividade liberada naquel desastre viaxou milleiros de kilómetros, traspasando todo tipo de fronteiras e cobrándose ducias de milleiros de vítimas mortais, amais de deixar un regueiro de personas afectadas cuxa cifra, 25 anos despois, segue medrando. O accidente de Fukushima, malia á presión mediática do “lobby” nuclear, que intentou agochalo dende o primeiro momento, está afectando a centos de milleiros de personas. Os territorios evacuados permanecerán baleiros durante moitos anos. Os custos, xa superiores aos de Chernóbil, non serán asumidos pola empresa eléctrica explotadora e recaerán sobre o tesouro público. Estamos vivindo unha traxedia de dimensións descomunais, á que non se ve fin e sobre a que cada día agroman máis datos estarrecedores.

A energía nuclear é moi suxa. As centrais nucleares xeran refugallos radiactivos cuxa peligrosidade permanece ducias de milleiros de anos e cuxa xestión, tratamento e/ou eliminación son cuestións ainda non resoltas. A industria nuclear non foi quen de atopar unha solución técnica satisfactoria e segura para o grave problema dos refugallos.

A enerxía nuclear é moi cara. Precisa fortes subsidios estatais de xeito continuo para poder existir, non paga o custo real da responsabilidade civil en caso de accidente (máximo 1200 millóns de € por lei en España, cando Fukushima xa custa 30.000 milóns de €), é un obstáculo ás enerxías renovábeis e aumenta o custo do recibo da luz.

A inmensa maioría da población do estado rexeita a enerxía nuclear. A viabilidade técnica e económica dun sistema de xeración eléctrica baseada ao 100% en enerxías renovábeis é un feito comprobado e xera 5 veces máis emprego que a nuclear por cada unidade de enerxía producida.

É O MOMENTO de abandonar a enerxía nuclear. É exclusivamente unha cuestión de vontade política pois non hai ningún problema técnico, enerxético ou económico que o impida. É o máis desexábel dende o punto de vista da seguridade e da protección do ambiente e a saúde. Sen nucleares teremos un mundo máis san, máis limpo e máis seguro.