Nota de prensa
Innova Empresa asesorou a 90 emprendedores para a posta en marcha dun negocio
– Coa axuda do centro da Deputación estanse xestionando proxectos como a creación dun parque infantil innovador ou unha iniciativa para potenciar o comercio exterior e a promoción turística da Ribeira Sacra
– A gran maioría, un 90%, pretendía darse de alta como autónomo e as propostas formuladas tiveron que ver sobre todo cos sectores tecnolóxico e agroalimentario
– Innova Empresa difundirá as vantaxes da incorporación das TIC a un negocio con obradoiros en empresas que deron este paso con éxito. O primeiro deles tivo lugar este xoves en Porto de Celeiro, exemplo de innovación no sector pesqueiro
O Centro de Asesoramento Empresarial da Deputación, Innova Empresa, atendeu dende a súa posta en marcha, hai tres meses, as consultas de preto de 90 emprendedores para a posta en marcha dun negocio. A maioría, un 90%, pretendía darse de alta como autónomo e a gran parte das iniciativas formuladas tiñan que ver cos sectores tecnolóxico, agroalimentario e hostaleiro.
Coa axuda de Innova Empresa estanse xestionando, entre outros proxectos, varios de carácter educativo que incorporan as novas tecnoloxías como elemento diferencial, a creación dun parque infantil innovador, unha iniciativa sobre comercio exterior e promoción turística da Ribeira Sacra, e negocios de hostalería e de transporte de mercadorías por estrada. Por outra banda, o centro está prestando un importante apoio ós empresarios que desexan presentar unha proposta para acollerse ás axudas do Plan Avanza 2, co que o Ministerio de Industria pretende impulsar as novas tecnoloxías. Entre as iniciativas plantexadas por empresas lucenses neste ámbito figuran proxectos relacionados cos servizos sociais.
Os emprendedores que acudiron a Innova Empresa foron na maioría, un 57%, da capital lucense, aínda que tamén procedían doutros municipios da provincia (como Viveiro, Chantada e Begonte) e incluso de cidades de fóra. O 49% das consultas fíxose por teléfono, o 36% de forma presencial e o 14%, por correo electrónico.
Ademais de prestar todo tipo de asesoramento para poñer en marcha un negocio e para resolver calquera dúbida dos empresarios sobre a súa actividade, o centro Innova Empresa organiza un programa de actividades formativas e divulgativas, especialmente encamiñadas a concienciar a emprendedores e empresarios sobre a necesidade e vantaxes de incorporar as novas tecnoloxías ó seu modelo de negocio. Precisamente este xoves comezou cunha iniciativa que ten este obxectivo, consistente nun ciclo de obradoiros en empresas da provincia que incorporaron con éxito a innovación tecnolóxica. O primeiro taller deste programa, denominado Km0 Empresarial, tivo lugar en Porto de Celeiro, en Viveiro.
Trece empresas participantes
Na actividade participaron trece firmas de toda a xeografía lucense e de diversos sectores económicos, que coñeceron polo miúdo todas as innovacións que fixeron do Grupo Porto de Celeiro un referente nacional no sector pesqueiro. O Alcalde de Viveiro, Melchor Roel, recibiu nas instalacións da firma ós asistentes e participou con eles na visita guiada, da que se ocupou o director adxunto da organización empresarial, Eduardo Míguez.
O Grupo Porto de Celeiro, constituído en 1994 e formado na actualidade por 70 empresas accionistas, foi pioneiro na aplicación de criterios empresariais á xestión dun porto pesqueiro a través da constitución dunha Sociedade Anónima. Nos últimos anos incorporou as novas tecnoloxías ó seu modelo de negocio como soporte para un funcionamento máis áxil e eficiente na xestión do porto e na intermediación de compra venda de peixe, entre outras actividades que desenvolve.
Apoio personalizado ás empresas
Innova Empresa é un servizo que ofrece un asesoramento integral a emprendedores, empresarios e artesáns, de maneira que estes poderán contar con apoio personalizado durante todo o proceso para a posta en marcha de calquera proxecto e tamén formular calquera dúbida en relación coa súa actividade. O horario de atención presencial e por teléfono (982.25.00.10) é de 8:00 a 15:00 horas, de luns a venres. Tamén se pode contactar a través do correo electrónico: innova-empresa@deputacionlugo.org Conta así mesmo cunha web: www.innova-empresa.es
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
