Nota de prensa
Os expedientes de reposición da legalidade aumentaron un 54% en 2010 ao pasar dos 118 en 2009 aos 182 durante o ano pasado
Hernández subliña a profesionalidade da Axencia da Protección da Legalidade Urbanística, que en 2010 incrementou a súa labor e mellorou os resultados de inspección e sanción
Durante o ano pasado as consultas da cidadanía atendidas pola APLU incrementáronse nun 82% pasando das pouco máis de 4.000 en 2009 ata as 7.400 de 2010
O conselleiro destacou no Parlamento que por primeira vez realizáronse procedementos de adxudicación públicos para levar a cabo as demolicións, o que supuxo unha redución importante de custo para as arcas públicas
A Axencia segue a incrementar o número de concellos que lle teñen delegadas funcións de control, de inspección e de sanción do seu termo municipal. Na actualidade son xa 53 os concellos galegos adheridos
Santiago, 4 de maio de 2011.- O conselleiro de Medio Ambiente, Territorio e Infraestruturas, Agustín Hernández, defendeu hoxe no Parlamento que “a profesionalidade e a obxectividade da Axencia da Protección da Legalidade Urbanística (APLU) na actualidade está fóra de toda dúbida, como tamén o está a súa constante evolución e mellora desde a súa creación en 2008”.
Durante a súa intervención, Hernández fixo un balance da creación hai case unha década deste ente público de natureza consorcial, dotado de personalidade xurídica e patrimonio e orzamento propios e plena autonomía no cumprimento das súas funcións. Desde entón, pasaron gobernos de distinto signo político que a apoiaron e a impulsaron. O conselleiro afirmou que a Axencia está a fortalecer o seu papel como órgano dotado de independencia que se abriu á participación real e efectiva dos concellos, “dándolle entrada aos representantes da administración local nos órganos de decisión en outubro de 2009, un ano e medio despois da constitución do Consello Executivo”.
Durante o ano 2010 a APLU resolveu un total de 182 expedientes de reposición da legalidade, o que supuxo un incremento do 54% respecto aos 118 de 2009. Ademais, segundo informou o conselleiro, o número de multas tamén aumentou, pasando de 253 a 299 (18%), ao igual que o importe das multas coercitivas, 1,2 millóns de euros en 2009 fronte aos 1,4 millóns de 2010 (+10%). Nas inspección no litoral houbo un aumento tamén notable, multiplicando por seis o número de expedientes sancionadores incoados e resoltos, mentres as multas coercitivas incrementáronse nun 145%, pasando dos 261.000 euros de 2009 aos 640.000 euros en 2010. Por último, as consultas da cidadanía atendidas incrementáronse nun 82% pasando das pouco máis de 4.000 atendidas en 2009 ata as 7.400 do ano 2010.
O conselleiro destacou tamén, en relación á boa marcha da Axencia que, por primeira vez, realizáronse procedementos de adxudicación públicos para levar a cabo as demolicións, o que supuxo unha redución importante de custo para as arcas públicas.
A Axencia segue a incrementar o número de concellos que lle teñen delegadas funcións de control, de inspección e de sanción do seu termo municipal. Na actualidade son xa 53 os concellos galegos adheridos, que representan conxuntamente unha superficie de máis de 4.000 km2 e unha poboación próxima aos 220.000 habitantes.
Plan de Inspección
Agustín Hernández informou que por acordo de data de 1 de decembro de 2010 aprobouse o Plan de inspección do ano 2011, que está publicado no Diario Oficial de Galicia do pasado 20 de decembro de 2010, sendo, polo tanto, de coñecemento público. O plan fixa como actuacións prioritarias aquelas necesarias para evitar o ilícito urbanístico e restaurar a legalidade vulnerada, tanto pola comisión de ilícito urbanístico, como por infracción da lei de costas.
O plan fixa, como prioridade, as operacións necesarias para detectar obras en curso de execución (en calquera clase de solo) sen a preceptiva licenza urbanística municipal, ou sen a preceptiva autorización autonómica (tanto a esixida pola LOUG como pola lei de costas). No plan establécese que a incoación e instrución correspóndelle aos inspectores, mentres que a resolución é competencia da dirección da Axencia. Nestes procedementos de restauración da legalidade, e, para este ano 2011 determínase o carácter prioritario de:
1. As obras que se atopen en curso de execución
2. As obras rematadas cando o prazo de caducidade do exercicio da acción de reposición estea próximo a rematar
Esta prioridade introdúcese como novidade tendo en conta que, agora, logo da reforma operada pola lei 2/2010, establécese un prazo de caducidade de seis anos para o exercicio da acción de reposición da legalidade das actuacións realizadas en solo rústico.
Agustión Hernández asegurou que está fóra de toda dúbida que desde a Axencia, coa plena autonomía que lle é propia, realizaranse todas as actuacións necesarias para cumprir o fin último perseguido, que é velar pola utilización racional do solo conforme ao disposto na normativa reguladora do urbanismo, a ordenación do territorio e do litoral, especialmente no medio rural e na zona de servidume de protección do dominio público marítimo-terrestre.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
