Pico e pala: Mellorando o Hospital da Costa
O compromiso dos responsables da Xunta de Galicia que preside Alberto Núñez Feijóo coa sanidade da Mariña lucense e, nomeadamente co Hospital da Costa, ten o seu reflexo máis inmediato na mellora dos servizos sanitarios neste centro hospitalario. Un exemplo deste apoio á sanidade pública comarcal é a posta en funcionamento da nova área de xinecoloxía e obstetricia, adaptación do centro ao programa de parto natural e creación da unidade fixa de prevención do cancro de mama.
O investimento que o Servizo Galego de Saúde vén de executar nesta obra, durante a presente lexislatura, supera os 800.000 euros, unha cantidade que contrasta co déficit en materia de obras de mellora no que incorreron os anteriores responsables do goberno bipartito. De feito, cómpre lembrar que pese a ser unha actuación anunciada repetidamente por socialistas e nacionalistas durante a pasada lexislatura, tivo que chegar á responsabilidade de goberno o Partido Popular, para iniciar os traballos, executar a obra e poñer en servizo as novas infraestruturas.
Segundo o programa descrito por Sanidade, entre outros, as actuacións executadas consistiron na construción dunha nova área de paritorios e dilatación, con tres novas estancias, unha delas adaptada ao parto natural, así como a dotación do equipamento máis avanzado; desenvolveuse igualmente unha reforma integral na zona de habitacións. No seu conxunto está previsto que dea servizo a 800 mulleres ao ano. Elas son por dereito propio as principais beneficiarias do esforzo da Xunta.
A finalización das obras supón ademais unha boa nova que transcende o ámbito da atención médica á muller para acadar un beneficio para o conxunto dos usuarios do Hospital, xa que permitirá recuperar a operatividade total do centro hospitalario, que ata o de agora dispoñía dun número menor de camas e, polo tanto, veu reducida durante todos estes meses a súa capacidade de atención aos pacientes. Xunto a iso, contar coa nova área de xinecoloxía e obstetricia, evitará desprazamentos innecesarios dos pacientes ao verse mellorada substancialmente a capacidade de resolución e tratamento das diversas doenzas.
O actual Goberno galego amosa ben ás claras a súa aposta en positivo polo Hospital a Costa. Fronte a uns partidos da oposición que funcionaron como agoireiros do medo e que intentaron facernos crer que pecharía o hospital, hoxe a Xunta volve a demostrar con feitos que o Hospital da Costa é fundamental dentro da estrutura do sistema público de saúde de Galicia. En definitiva, investimentos, pico e pala, para facer aquelo que outros prometeron pero que nunca foron capaces de executar, por falta de compromiso e de vontade, isto é, todo o contrario do que está a demostrar e seguirá demostrando no futuro, poden confiar nelo, o Partido Popular.
Jose Manuel Balseiro Orol
Secretario do Parlamento de Galicia
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
