REFERENCIA
A Consellería de Medio Ambiente financia con preto de 50.000 euros o Proxecto Ríos, que hoxe celebra o encontro dos voluntarios en Valga
A Xunta prevé dar luz verde ao Plan Hidrolóxico Galicia costa no mes de xullo, co obxectivo de acadar o bo estado ecolóxico das augas en 2015
Esta importante ferramenta de planificación dos recursos hídricos será aprobada primeiro na xunta de goberno de Augas de Galicia o 30 de xuño
O Proxecto Ríos é unha iniciativa de referencia na promoción e divulgación do desenvolvemento sostible dos ríos, tanto en Galicia como no resto do Estado
A Xunta está a desenvolver unha aplicación web con soporte xeográfico para introducir os datos das inspeccións de tramos de ríos feita polos voluntarios
Santiago, 18 de xuño de 2011.- A Xunta de Galicia traballa que a comunidade conte co seu Plan Hidrolóxico Galicia Costa no vindeiro mes de xullo, logo de rematar o período de información pública. Segundo explicou o presidente de Augas de Galicia, Francisco Menéndez, este importante proxecto será aprobado primeiro na xunta de goberno de Augas de Galicia o 30 de xuño, e posteriormente polo Consello da Xunta de Galicia no mes de xullo. O Plan Hidrolóxico Galicia-Costa é una ferramenta básica de planificación en materia de xestión dos recursos hídricos, que conta cun programa de medidas cuxo investimento total ascende a 1.542,7 millóns de euros ata o ano 2015, dos cales o Goberno galego asume case un 60% do investimento total.
Menéndez participou hoxe na inauguración do VII Enconcontro de Voluntariado do Proxecto Ríos, que tivo lugar no concello de Valga (Pontevedra). Neste encontro, unha representación dos voluntarios que prestan o seus servizos ao coidado dos ecosistemas fluviais a través do Proxecto Ríos intercambiaron experiencias e ampliaron os seus coñecementos sobre os ríos. A Xunta apoia esta iniciativa, organizada polo colectivo ecoloxista Adega, que pretende concienciar e sensibilizar sobre o valor nas nosas augas fluviais. O encontro reuniu a preto dun centenar dos máis de 2.000 participantes no programa, que quixeron poñer en común as súas experiencias logo da primeira inspección feita en primavera.
A Consellería de Medio Ambiente, Territorio e Infraestruturas financia o Proxecto Ríos coa achega de 50.000 euros á Asociación para a Defensa Ecolóxica de Galicia (Adega), como entidade promotora do proxecto, polos gastos nos que incorra ao longo do ano.
O Proxecto Ríos é unha poderosa ferramenta de educación ambiental cun impacto salientable e encaixa coas liñas de traballo da Consellería de Medio Ambiente, Territorio e Infraestruturas. O traballo dos voluntarios do Proxecto Ríos está baseado nas mesmas técnicas que se utilizan para avaliar o estado ecolóxico dos ríos nas redes de control de Augas de Galicia, “polo que é un traballo moi interesante e aproveitable, que por suposto servirá como indicador de seguimento social das medidas que o Plan Hidrolóxico Galicia Costa propón para conseguir un bo estado ecolóxico das augas para o ano 2015 ”, segundo destacou Francisco Menéndez.
Xeoportal web
Unha das novidades do convenio do Proxecto Ríos deste ano entre a Xunta e Adega é o desenvolvemento dunha ferramenta informática para apoiar o traballo dos voluntarios e darlle maior alcance. Trátase dunha aplicación web con soporte xeográfico para introducir os datos das inspeccións de tramos de ríos. O proxecto, que está a desenvolver a Dirección Xeral de Sostibilidade e Paisaxe, permite aproveitar as novas tecnoloxías para mellorar a participación e interacción da cidadanía coa administración, a publicación de datos colaboradores e do coñecemento e protección sobre territorio. Os datos almacenaranse nunha base de datos espacial e poderán ser validados e analizados polos técnicos de Augas de Galicia e de Adega. As previsión actuais indican que o xeoportal (páxina web para ver datos sobre mapas) estará listo para comezar a recibir os datos dos voluntarios para a campaña de inspeccións do vindeiro outono.
Este desenvolvemento tecnolóxico permitirá difundir a información en forma de mapas accesibles na internet a toda a cidadanía o que supón unha posta en valor da información e do coidado dos nosos ríos. A ferramenta será liberada baixo unha licenza de “software libre” polo que Galicia achegará unha tecnoloxía de referencia para que outras administracións públicas a nivel estatal poidan sumarse, dado que o Proxecto Ríos se realiza noutras rexións de España.
Iniciativa de referencia
Durante o encontro leváronse a cabo dúas mesas redondas onde se falou das experiencias do proxecto de custodia fluvial Ulla-Umia-Lérez, por unha banda, e por outra banda, distintas asociacións e traballadores –incluída unha representación de Augas de Galicia- explicaron as súa experiencias no Proxecto Ríos. Ademais, o catedrático do departamento de Ecoloxía e Bioloxía Animal da Universidade de Vigo Adolfo Cordero falou sobre “As libeliñas como indicadoras de calidade do río” e, prevese que xa pola tarde, guíe un roteiro para a descuberta de libeliñas.
O Proxecto Ríos é unha iniciativa de referencia na promoción e divulgación do desenvolvemento sostible dos ríos, tanto en Galicia como no resto do Estado, e non existen iniciativas ou experiencias semellantes tanto cualitativa como cuantitativamente. Trátase dunha iniciativa que pretende concienciar e educar a cidadanía na importancia na defensa dos ecosistemas dos ríos galegos.
Por outra banda, pretende espertar a curiosidade sobre a interrelación de aspectos naturais, culturais, históricos, sociais, económicos; e promover unha visión integrada da vila co entorno fluvial. Neste senso, o Proxecto Ríos pretende dar a coñecer o papel fundamental dos ríos e as problemáticas ambientais a eles asociadas, e achegar prácticas e comportamentos que permitan aos cidadáns o mantemento e, se é necesaria, a mellora dos cursos fluviais mediante dinámicas que fomenten a súa participación.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
