Nota de prensa:
HORACIO CUPEIRO PIDE COLABORACIÓN Á CIDADANÍA PARA QUE SEXA MÁIS RESPONSABLE CO ENTORNO NATURAL. O CONCELLEIRO DE MEDIO AMBIENTE DENUNCIA QUE ESTES DÍAS ESTÁN A APARECER MOITOS RESIDUOS NAS PRAIAS E NOS ACANTILADOS DA ZONA.
Ribadeo, 30 de xuño de 2011. O delegado de Medio Ambiente, Horacio Cupeiro, pide colaboración a veciños e visitantes para que sexan máis responsables co entorno natural, “xa que do contrario convertiremos o noso planeta nun vertedoiro”. Cupeiro asegura que estes días están a chegar ás praias residuos procedentes dos barcos que tiran o lixo ao mar, pero tamén di que os pescadores e os que van comer aos acantilados deixan moitos residuos neses lugares.
O edil nacionalista contou que “nestes últimos días nos que hai uns ventos predominantes do nordés están a aparecer na nosa costa caixas de peixe, redes, cabos, todo tipo de residuos que sobre todo veñen procedentes de barcos que abandonan e tiran o lixo ao mar. Quero pedir a colaboración de todos aqueles que fan un mal uso da súa responsabilidade como cidadáns en canto ao abandono de todo tipo de envases ao medio marino e pídolles que se cuiden de non voltar a facelo”.
Cupeiro dixo que “a maior parte dos residuos procede, como dicía antes, dos barcos que os tiran ao mar e tamén debo comentar o mesmo dos pescadores que cando van abandonan as caixas do cebo, as bolsas e envases de comida e de bebida e tamén hai xente que vai comer aos acantilados e que deixa tirado o lixo no chan ou en sitios non axeitados… despois todo isto vai parar ao mar e aparecen nas praias”.
O concelleiro de Medio Ambiente subliñou que “durante o verán en Ribadeo haberá oito persoas adicadas exclusivamente á limpeza de todos estes residuos que chegan aos areais, á limpeza dos baños e do entorno para ter da mellor forma posible as nosas praias. Estes días anteriores ao inicio da tempada estival foi o persoal do Grumir o que se encargou de retirar todo o lixo que chegou aos areais de Ribadeo”. Horacio Cupeiro pedíulle á cidadanía que “sexamos todos un pouco máis responsables co noso medio, xa que do contrario convertiremos o noso planeta nun vertedoiro”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
