Nota de prensa:
O CONCELLO ORGANIZA DIVERSAS ACTIVIDADES PARA NEN@S CON IDADES COMPRENDIDAS ENTRE OS 2 E OS 12 ANOS DURANTE TODO O VERÁN. O PRAZO DE INSCRICIÓN ÁBRESE MAÑÁ 1 DE XULLO.
Burela, 30 de xuño de 2011. O Concello organiza diversas actividades para nen@s con idades comprendidas entre os 2 e os 12 anos durante todo o verán. Baixo o lema Verán activo Gaia 2011 desenvolveránse desde o vindeiro 8 de xullo e ata o 2 de setembro. O obxectivo é conciliar a vida laboral e familiar durante o tempo nos que os cativos non teñen colexio.
A Concellería de Medio Ambiente, que dirige Patricia López Eijo, en colaboración con outras delegacións municipais foi a encargada de organizar dita programación. O horario das actividades será de 9 a 14 horas de luns a venres e desenvolveránse no CEIP Vista Alegre (edificio nº 1). Segundo explica a edil popular, “as monitoras da Aula de Educación Medioambiental Gaia serán as encargadas de desenvolver este proxecto que intenta axudar aos proxenitores a conciliar a vida laboral e familiar durante o verán”.
López Eijo anunciou que “haberá contacontos, xogos ao aire libre, manualidades, reforzo escolar, concienciación medioambiental, xogos de mesa, globoflexia… que se combinarán con varias saídas: ruta das fontes, limpeza dunha praia, facer voar cometas, ruta polo paseo marítimo do Cantiño, os mariscos das nosas costas, o noso bosque, etc”.
As familias interesadas en obter máis información poder achegarse ao Concello, á biblioteca municipal ou á oficina de medio ambiente de Burela. O prazo de inscrición ábrese mañá 1 de xullo.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
