Nota de prensa
MARIO COTO ABORDARÁ CO PRESIDENTE DE PORTOS DE GALICIA AS PRINCIPAIS DEMANDAS DO PORTO DEPORTIVO E DO CLUB NÁUTICO DE RIBADEO. AMBOS PARTICIPARÁN ESTA TARDE NO IZADO DA BANDEIZA AZUL.
Ribadeo, 5 de xullo de 2011. O presidente do Club Náutico de Ribadeo, Mario Coto, abordará co presidente de Portos de Galicia, José Manuel Álvarez-Campana, as principais demandas e proxectos do porto deportivo e do CNR. Ambos participarán ás 18 horas no izado da bandeira azul, que por segundo ano consecutivo recibiu o Club Náutico.
Para Mario Coto lograr un ano máis a bandeira azul “quere decir que estamos a facer as cousas ben e como había que facelas. Eu cheguei ao Club Náutico de Ribadeo a principios do 2009 e ese ano non tivemos a bandeira azul, eu estou convencido de que a bandeira azul non se da caprichosamente nin ás praias, nin aos portos deportivos, nin a outras entidades, senón que se da porque a xente de Adeac mira si se cumpren os requisitos ou non”.
O presidente do Club Náutico de Ribadeo lembrou que “no 2009 non tivemos a bandeira azul porque teño que recoñecer que naquel momento o Club Náutico de Ribadeo non merecía ese galardón, dado o que aprendín despois que había que facer para obter ese distintivo. Nós puxémonos a traballar e penso que nos esmeramos todo o posible tanto económica como persoalmente. No 2010 recuperamos a bandeira azul para o porto deportivo e neste 2011 voltamos a contar con ela”.
As Catedrais
Coto contou que “o outro día fun recoller a bandeira azul a Portosín e foi moi agradable porque por segundo ano consecutivo conseguímola de novo. Non me pareceu ben que do meu pobo non acudise a recoller ninguén a bandeira azul que recibiu a praia do Os Castros-Illas, había unha silla diante de min, pero alí non se presentou ninguén. Parece que hai algo de malestar ao non conseguir a bandeira azul para a praia das Catedrais. A min tamén me fastidia que ese areal non conte con ese recoñecemento, Ribadeo debería tela, pero o Concello e a quen lle toque levar ese tema teñen que facer o esforzo para recuperar esa bandeira azul e si a podemos ter en máis areais moito mellor”. O responsable do Club Náutico de Ribadeo considera que contar coa bandeira azul atrae a máis visitantes a Ribadeo e xenera turismo de calidade.
O presidente do CNR xa anunciou que “imos tentar para o vindeiro ano conseguir a bandeira azul para algunhas embarcacións do porto, queremos que sexan conscientes os socios do Club Náutico de Ribadeo e os donos de embarcacións de que podemos prolongar a nosa bandeira azul a eles. Imos traballar nesa liña ao longo dos vindeiros meses”.
Circuito comercial
Hoxe acudirá a Ribadeo a participar no acto de izado da bandeira azul do porto deportivo o presidente de Portos de Galicia, José Manuel Álvarez-Campana, e Mario Coto quere analizar con él diversas cuestións, “hai un proxecto moi demandado polo Club Náutico, por esta directiva e por este presidente, que é o peche da bocana do porto deportivo, porque hai un problema no porto coas mareas e coas turbulencias, temos que ter moito coidado cos barcos e trasladalos no inverno a outros pantaláns e queremos darlle unha solución a esta cuestión”.
O presidente do Club Náutico de Ribadeo explicou que “queremos chegar tamén a acordos con Portos para os casetos dos mariñeiros das lanchas de baixura, queremos ver sin poden contar con outras instalacións xunto á lonxa, que é onde deben estar, e ampliar a concesión ao Club Náutico nesa zona para facer un circuito de negocios no porto. Cando un vai a outros portos, por exemplo nas Rías Baixas, pode ver un montón de pequenos negocios arredor dos portos e dos náuticos. Dos 17 casetos os profesionais de baixura ocupan 6 ou 7 e o resto que os temos adxudicados somos persoas con lanchas de recreo, pero non somos profesionais do mar. Imos ver si o conseguimos, porque é un proxecto moi ambicioso para nós”.
Mario Coto subliñou que “despois temos unha necesidade imperiosa de amarres e temos que negociar con Portos a ubicación dalgún pantalán máis. Dentro do noso recinto do Club Náutico non temos máis espacio, pero temos moita demanda. A ver si negociamos unha zona intermedia entre o porto pesqueiro e o porto comercial, sen interrumpir e condicionar para nada a actividade do peirao, pero hai un punto morto que nos podería ir ben e Portos de Galicia recibiría unha compensación económica. E outro dos proxectos será un pequeno atraque de embarcacións de pequeno calado na Vilavella. As cousas hai que levalas polo seu camiño e os que mandan diranos cales son factibles e cales non, hai cousas que xa sabemos que nos van aceptar e outras veremos a ver”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
