Nota de prensa
O BNG ASEGURA QUE O CONCELLO DE BARREIROS TEN UN MÍNIMO DE 24 PROCEDEMENTOS XUDICIAIS ABERTOS EN SETE XULGADOS. ASÍ SE DESPRENDE DOS REXISTROS DE ENTRADA E DE SAÍDA DO PRIMEIRO SEMESTRE DESTE 2011 QUE FORON CONSULTADOS POLOS NACIONALISTAS.
Barreiros, 7 de xullo de 2011. O Concello de Barreiros ten un mínimo de 24 procedementos xudiciais abertos, segundo informa o BNG barreirense, despois de revisar os rexistros de entrada e saída correspondentes ao primeiro semestre do ano 2011. Os nacionalistas consideran que o Concello está completamente xudicializado, algo que repercute de xeito moi negativo na súa gobernabilidade.
Desde o grupo municipal do BNG din que “ademais destes 24 procedementos, dos que se ten constancia polos rexistros, o Concello de Barreiros ten abertas unhas dilixencias preprocesuais penais e unhas dilixencias procesuais penais. Durante estes seis meses no rexistro de entradas e saídas do Concello de Barreiros rexistráronse máis de cincuenta movementos entre o propio Concello e os distintos xulgados nos que se están a seguir procedementos xudiciais. Ademais dos movementos relativos a estes procedementos, poden atoparse seis movementos coa Fiscalía Provincial de Lugo, outros seis coa Dirección Xeral da Policía e da Garda Civil, catro co Valedor do Pobo, seis co Tribunal de Contas e cinco máis co Consello de Contas”. Actualmente estanse a seguir procedementos xudiciais nos que toma parte o Concello de Barreiros nos dous xulgados de Mondoñedo, nos dous xulgados de Viveiro, no xulgado de primeira instancia número 2 de Compostela e nos xulgados número 1 e 2 do Contencioso-Administrativo.
A portavoz do BNG no Concello, Ana Ermida, considera que “o Concello de Barreiros está completamente xudicializado e que esta situación repercute moi negativamente na gobernabilidade do mesmo. Máis alá das consecuencias legais que poidan ter unha vez que conclúan, o feito de que exista un volume de comunicacións tan elevado supón que o goberno municipal de Barreiros está máis pendente de respostar aos requirimentos dos distintos xulgados, fiscalía, policía, etc. e de acudir aos xulgados que de atender aos problemas das veciñas e dos veciños”. Ermida subliña que “o que se está priorizando non é o goberno do Concello e o beneficio xeral das e dos barreirenses senón a atención a estes conflitos xudiciais”. O BNG de Barreiros entende que “esta situación é completamente anómala para un Concello e insta ao goberno municipal a preocuparse de gobernar, que é para o que foron elixidos o pasado 22 de maio”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
