Nota de prensa:
A XUNTA INVESTIRÁ NA CONFIGURACIÓN DE NOVOS PRODUTOS E NA FORMACIÓN EN CALIDADE TURÍSTICA DE CARA Á PROMOCIÓN DA COMARCA DA MARIÑA
A secretaria xeral de Turismo, Carmen Pardo, e a delegada territorial en Lugo, Raquel Arias, presidiron hoxe en Foz a firma do convenio cos representantes da Mancomunidade de Municipios da Mariña
As representantes do Executivo galego mantiveron unha reunión cos alcaldes da comarca na que abordaron as actuacións dispostas no ámbito do desenvolvemento do turismo na zona
Foz, 13 de xullo de 2011.- A Xunta de Galicia investirá no desenvolvemento de actuacións concretas de promoción turística da comarca da Mariña que serán executadas directamente pola Mancomunidade de Municipios mariñá.
Así se contempla no convenio asinado hoxe en Foz entre ambas entidades, polo que a Secretaría Xeral para o Turismo comprométese a destinar 64.000 euros a accións de configuración de novos produtos, formación e mercadotecnia que deberá deseñar, coordinar e levar a cabo a propia Mancomunidade.
A sinatura do acordo estivo presidida pola secretaria xeral para o Turismo, Carmen Pardo, a delegada territorial, Raquel Arias, e o presidente da Mancomunidade de Municipios da Mariña e alcalde de Barreiros, Alfonso Fuente Parga.
Con posterioridade, as representantes do Goberno galego mantiveron unha xuntanza con alcaldes e representantes municipais da comarca, na que explicaron estas e outras actuacións dispostas pola Xunta no ámbito do desenvolvemento turístico.
O convenio asinado hoxe concede un amplo marxe de manobra aos propios concellos implicados, que son os que mellor coñecen as necesidades, prioridades e potencialidades turísticas da zona. Así, teñen a capacidade de establecer as iniciativas a desenvolver, aínda que atendendo a unha proposta xeral que incide en determinados aspectos.
Polo que respecta á configuración de novos produtos, deben centrarse no deseño, configuración e implantación dunha nova oferta turística baseada nas “rutas da artesanía da Mariña”, e avanzar no estudo e deseño doutro paquete sobre “mística e maxia na mariña”, elaborando ademais unha guía sobre o produto.
Un segundo aspecto que se recolle no convenio son as accións de mercadotecnia, orientadas neste caso á redefinición e adaptación de contidos da páxina web e ás actividades de promoción da Mariña como destino turístico.
Por último, o terceiro eido propón a formación en calidade turística dos axentes implicados no sector, para a mellora integral do tratamento e da imaxe que perciben os visitantes e turistas da Mariña.
Durante a xuntanza cos representantes municipais, a secretaria xeral para o Turismo e a delegada territorial explicaron algúns dos proxectos que a Xunta desenvolve no eido da dinamización turística e que toman como referencia o Plan de Competitividade Turística elaborado para a comarca da Mariña.
Ambas subliñaron que o acordo de hoxe da un paso máis no traballo de promoción turística que a Xunta de Galicia está a levar nesta área, considerada un destino turístico primordial dentro de Galicia. Carmen Pardo destacou que, ao abeiro do Plan de Competitividade “propóñense iniciativas que contribúan a incrementar a repercusión promocional e socioeconómica do turismo na zona, así como a súa desestacionalización”.
Segundo concretou Raquel Arias, o convenio asinado hoxe incide nesa liña de “crear produtos turísticos alternativos e atractivos, completando e mellorando a oferta existente”. Así mesmo, a delegada territorial lembrou que está en marcha o plan de sinalización dos puntos de interese turístico da Mariña, ao que a Xunta destina 240.000 euros.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
