RIBADEO (FNC).- Voltan as actividades do Programa de Prevención de Drogodependencias do Concello de Ribadeo. Segundo explica a súa responsable, Mónica Fernández Lamparte, “retomamos despois do nadal a programación que iniciamos este curso con actividades como Komikea, ¿E se che toda a ti? Cinensino ou adestramento en habilidades sociais”.
* Komikea II, durante as vindeiras semanas, levaráse a cabo a 3ª sesión nos centros de ensino secundario de Ribadeo nas seguintes datas:
-IES Porta da Auga, o martes 13 de xaneiro ás 12,00 horas
-Colexio Sagrado Corazón, o mércores 14 de xaneiro ás 13,15 h
-CIFP Porta da Auga, o luns 19 de xaneiro ás 14,00 h
-IES Dionisio Gamallo Fierros, o martes 20 de xaneiro ás 13,15 h
Nesta 3ª sesión o alumnado participante en Komikea II comezará a realizar os guións que posteriormente debuxarán e converterán en cómics.
(Nas duas primeiras sesións este alumnado formouse en drogodependencias e en como se realizan os comics). Participan en total 74 alumnos.
* Campaña “E se che toca a ti?”. O 21 de xaneiro realizaranse 2 sesións no Centro Integrado FP Porta da Auga dirixidas a todos os alumnos dos ciclos medios e superiores dos ámbitos mantemento de vehículo, instalacións electrotécnicas e acabados de construción. Participarán en total uns 50 alumnos.
* Cinensino. O vindeiro 28 de xaneiro terá lugar a 2ª proxección que leva por título El niño de Marte (USA,2007) e á que asistirán 118 alumnos e 13 profesores de 1º e 2º de ESO dos centros de ensino IES Dionisio Gamallo Fierros e IES Porta da Auga. Será ás 11,00 horas no Cine Teatro de Ribadeo.
* Adestramento en Habilidades Sociais. Este programa, dirixido a alumnos de 5º e 6º curso de Educación Primaria Obrigatoria, continuará con a 3ª sesión de habilidades sociais que será como dar e recibir queixas e celebrarase nos centros de Educación Primaria dos concellos de Ribadeo, Barreiros, Trabada e A Pontenova. Participan 95 alumnos. As datas desta 3ª sesión están por confirmar, pero realizaránse durante os meses de xaneiro e febreiro.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
