Nota de prensa:
Lara Méndez presenta a provincia a 64 rusos e polacos que participarán na “Xornada Mundial da Xuventude”
– Son os primeiros peregrinos que recibe o Bispado de Mondoñedo e a Mariña, os cales quixeron adiantar a súa chegada a España para coñecer Lugo
– A petición da Diocese mindoniense, a Vicepresidenta Segunda exerceu de embaixadora da provincia, dándolles a coñecer as súas riquezas
– Os mozos foron agasallados con lotes Lugo Sabe, dípticos informativos sobres as 3 Reservas da Biosfera e unha guía en inglés sobre os Camiños lucenses
A Vicepresidenta Segunda, Lara Méndez, recibiu este venres na Casa do Mar de San Cibrao, en Cervo, a un grupo de 64 peregrinos -46 polacos e 18 rusos- recen chegados a España con motivo da “Xornada Mundial da Xuventude” que acollerá Madrid dende o 18 ó 21 de agosto. Son os primeiros participantes en dito encontro relixioso que recibe a Diocese de Mondoñedo e a Mariña, os cales quixeron adiantar a súa chegada ó país para coñecer Lugo.
Por iso, a petición do Bispado, Lara Méndez fixo de embaixadora da provincia, presentando as riquezas lucenses. A Vicepresidenta salientou que o 55% do territorio é Reserva da Biosfera avalado pola UNESCO, que Lugo conta con máis de 100 quilómetros de costa e máis de 60 praias, así como con 800 quilómetros de rutas de peregrinación polas que pasan os Camiños do Mar, Inverno, Francés e Primitivo.
Como mostra da riqueza natural lucense, Méndez agasallou ós peregrinos con lotes de Lugo Sabe, compostos por produtos autóctonos que posúen a marca de garantía de calidade da Deputación; con dípticos informativos sobre Terras do Miño, Os Ancares e Eo-Oscos-Terras do Burón; así como cunha guía sobre os Camiños de Lugo cara a Santiago de Compostela editada pola institución e escrita en inglés.
Méndez fixo fincapé na aposta do organismo provincial polo medioambiente, “a nosa oportunidade económica”, e no inicio das novas medidas dentro da segunda parte de Lug02, dotada de 6,5 millóns de euros e cofinanciada pola Unión Europea, para seguir xerando novos postos de traballo e facendo fronte ó despoboamento demográfico. Lugo, malia que conta con 10.000 quilómetros cadrados, é 3º provincia galega co menor número de habitantes. Ten uns 350.000. A constante perda poboacional, xunto o seu envellecemento e dispersión, son os principais problemas lucenses.
130 peregrinos da Mariña
Logo da recepción na Casa do Mar, a Vicepresidenta mostrou ós peregrino o Museo do Mar. Posteriormente, quixeron coñecer as praias da zona. Xa o sábado, partirán cara a Santiago de Compostela onde se xuntarán con 2.000 mozos chegados das 5 Dioceses de Galicia. O domingo, participarán nunha misa na catedral de Mondoñedo así como nos festexos de Cervo. Finalmente, o luns viaxarán a Madrid para atoparse con Papa Benedicto XVI. Do Bispado de Mondoñedo farano 130 mariñanos.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
