Nota de prensa
FOMENTO PREVÉ ACTUAR CANTO ANTES NA VARIANTE DE BURELA. MAÑÁ PROCEDERÁ A LIMPAR O TREITO NO QUE SE ESTÁN A PRODUCIR NUMEROSOS ACCIDENTES CON PRODUTOS DESENGRAXANTES E AUGA A PRESIÓN. FERNÁNDEZ VALLE NON DESCARTA QUE SE SUPRIMA O CARRIL DE VEHÍCULOS LENTOS OU QUE SE MELLORE A ADHERENCIA DA BANDA DE RODADURA.
Burela, 31 de agosto de 2011. O concelleiro de Obras burelés, Manuel Fernández Valle, afirmou hoxe que “a actuación do Ministerio de Fomento, a través da Demarcación Provincial de Estradas do Estado en Lugo, para tratar de reducir o elevado número de accidentes que se producen na variante de Burela, á altura da ponte da estrada da Deputación a Rúa, levarase a cabo con certa rapidez”, logo de que onte mesmo, un día despois da reunión mantida en Lugo polo alcalde burelés e edil de Obras cos responsables de Fomento, técnicos do Ministerio analizaran na mesma variante, xunto con Fernández Valle, as posibles solucións a aplicar. Nesa reunión, o alcalde burelés, González Barcia, plantexou o problema e tamén pediu a aplicación de solucións. “Non é que se vaia a solucionar todo mañá mesmo, pero as cousas van por bo camiño”, manifestou o concelleiro de obras burelés.
Fernández Valle indicou que “unha das medidas que se vai aplicar mañá xoves durante a mañá é a de limpeza da vía con produtos desengraxantes e auga a presión por parte de operarios da Demarcación de Estradas do Estado en Lugo e coa colaboración do Concello de Burela. Ao longo do mes de setembro procederase á aplicación dunha nova superficie mais adherente na banda de rodadura do tramo indicado”. O edil de Obras engadiu que “outra das medidas en estudo sería similar á adoptada en Foz no alto de Mañente, ou en Xove no alto do Cruceiro, é dicir, suprimir en todo ou en parte o carril de vehículos lentos. Estas solucións poderían ser un remedio axeitado para minimizar ou reducir a cero o elevado número de sinistros que se levan producindo nos últimos meses, sete, entre xuño, xullo e agosto, segundo os datos aportados polo Grumir burelés”.
O concelleiro burelés manifestou que “o Concello está diposto a colaborar con Fomento no que sexa posible. Hai que recoñecer a rapidez coa que a Demarcación de Estradas do Estado en Lugo se está poñendo a traballar para tentar reducir o número de accidentes neste tramo da variante. Todo o que sexa apostar pola seguridade viaria e reducir a cero o número de sinistros contará coa axuda do Concello de Burela”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
