O popular-socialismo
En pleno agosto, con nocturnidade e aleivosía, a Consellaría de Facenda incrementou un 30% de media os tributos para a compra de vivendas. Antes, cando unha persoa mercaba un inmoble valorado en 150.000 euros, pagábanse 10.500 de impostos. Agora, polo mesmo piso, haberá que arrearlles 13.650 euriños. A Xunta vén aplicar así unha suba artificial dos prezos dos inmobles completamente afastada da realidade, sobre todo tendo en conta que o valor medio das vivendas no noso país leva baixando tres anos seguidos.
O executivo autonómico impón deste xeito unha nova taxa que non afecta a quen adquire vivendas de luxo (neses casos a liquidación faise polo prezo real da compra), pero que aumenta a presión fiscal para o resto dos mortais que mercan por debaixo dos prezos medios (os desta modalidade terán que realizar unha liquidación inxusta cunha base superior ao prezo de compra). Así, o autodenominado “presidente-de-todos-los-gallegos” decide subir máis impostos dun xeito indirecto, ao igual ca o “presidente-de-todos-los-españoles” que tanto criticou e critica, aplicando unha estratexia que se está volvendo habitual en ambos os dous: pola porta de atrás.
Pero a cousa non queda aí. É que ademais, por se fora pouco, o goberno de Feijóo pretende implantar este baremo con carácter retroactivo, polo que atinxirá os cobros fiscais pendentes desde xaneiro do 2010. Un Feijóo que non dubida en subir os tributos que afectan á meirande parte da poboación, pero que incumpre de novo as súas promesas electorais tras “esquecerse” de rebaixar o IRPF a 500.000 galegas e galegos.
Por iso só me queda pedirlles unha pequena cousa, donas e cabaleiros do popular-socialismo que gobernan tanto en Santiago de Compostela coma en Madrid: cando rematen co país, fagan o favor de apagar a luz. Todo sexa por aforrar.
Marco López
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
