Dende a Concellería de Servizos Sociais, Xuventude, Muller e Igualdade ofértase un programa de actividades que se van a desenvolver durante o último trimestre. O prazo de inscrición estivo aberto dende o 15 de setembro remata o 30 de setembro, para anotarse aos seguintes obradoiros: Escola de Maiores, dirixida a maiores de 60 anos. Anótase na oficina da Educadora Familiar. Obradoiros de longa duración: Bordado, Bolillos, Ioga e Bailes de Salón, dirixidos a maiores de 18 anos. Lugar de inscrición na OMIX. Curso de Perfeccionamento Informático, para maiores de 18 anos. Anótase na OMIX. Obradoiro de Hip-Hop, dirixido a rapaces e rapazas de 11 a 18 anos. Lugar de inscrición na OMIX. Outras actividades nas que se pode participar: Festa do Samaín, que se levará a cabo os días 28 e 29 de outubro. Obradoiro de pintado e colocación das figuras do Belén na Omix, durante os días 21,22 e 23 de decembro. Torneo de Tenis de Mesa, o día 28 de decembro. Para máis información, dirixirse á Oficina de Información Xuvenil (OMIX).
Remata o prazo para inscribirse nas actividades de outono da concellería de Servizos Sociais de Xove
Relacionado
-
A Deputada de Réxime Interior, Promoción do Territorio e Turismo, Pilar García Porto, participou este sábado na Escola da Liga Santaballesa de Vilalba na presentación da programación das XVI Xornadas sobre migración indianas e da XVI Feira do Indiano, que se celebrarán o vindeiro 12 de setembro
-
O Restaurante & Catering Los Olivos, xunto á praia de Navia, organizará o 12 de agosto unha espicha especial para seguir o eclipse desde unha localización destacada, segundo o astrónomo Hugo García Fernández
-
A A.C. Pomba do Arco organiza o vindeiro xoves 13 de agosto, ás 20:30 horas, un acto público no salón de actos do Cenima de Foz dedicado á memoria da emigración mariñá
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
