22 locais participan na primeira Festa da Nécora que se celebra en Foz organizada pola ACIA

Nota de Prensa

VINTEDOUS LOCAIS PARTICIPAN DESDE MAÑÁ NA PRIMEIRA FESTA DA NÉCORA QUE SE CELEBRA EN FOZ ORGANIZADA POLA ASOCIACIÓN DE COMERCIANTES.

Foz, 29 de setembro de 2011. Mañá comeza en Foz a primeira festa da nécora, que organiza a Asociación de Comerciantes, Industriais e Autónomos. Máis dunha veintena de locais hosteleiros participarán nesta nova cita gastronómica e servirán este exquisito marisco.
A directiva de ACIA Foz destacou hoxe que “o que tentamos é exaltar os produtos que se capturan o se pescan nesta zona”. Un total de 22 establecementos hosteleiros servirán nécoras mañá e tamén o sábado, día 1 de outubro. Na maior parte dos casos ofreceránse cocidas, pero os que se acheguen a Foz estes días tamén as poderán degustar á prancha e en arroz. O precio da unidade será de tres euros.
A primeira festa da nécora está organizada por ACIA Foz, que conta coa colaboración do Concello, a Deputación de Lugo, a Cofraría de Pescadores, o Grupo de Acción Costeira A Mariña-Ortegal, o Ministerio de Medio Ambiente, Medio Rural y Marino, a Consellería do Mar e o Fondo Europeo de Pesca.
Os locais nos que se poderán degustar as nécoras son: A Maseira, A Quinta, A Bolera, Acuario, O Taco, A Dala, Anduriña, Xoyma, O Rincón de Anita, cervexería Fina, Portovello, O Norte, Leytón, O Tangarte, O Náutico, o Fogar do Pelolo, pizzería Xoiña, As Brasas, Dandy, O Tangarte Mariñeiro, Portochico e O Lar.
ACIA Foz anima “a vir disfrutar da festa da nécora á nosa vila. É un bó momento para degustar o marisco que capturan os nosos barcos e para dar unha volta pola comarca e por Foz”.