ADEGA solicita a Presidencia a relación de cONTENCIOSOS-ADMINISTRATIVOS INICIADOS NO SEU DÍA POLA XUNTA DE GALICIA E AGORA RETIRADOS POLO GOBERNO DO SR FEIXÓO.
Nota de prensa
ADEGA SOLICITA DA CONSELLERÍA DA PRESIDENCIA A RELACIÓN DE CONTENCIOSOS-ADMINISTRATIVOS INICIADOS NO SEU DÍA POLA XUNTA DE GALICIA E AGORA RETIRADOS POLO GOBERNO DO SR FEIXÓO.
Lugo, a 30 de Setembro do 2011,
Ante as explicacións que o Conselleiro de Medio Ambiente, Territorio e Infraestruturas, Sr. Hernández, daba o pasado mércores no Parlamento de Galicia en relación ao urbanismo de Barreiros calificando de “urbanismo realista” o que non é máis que unha aberración xurídica máis en defensa dos intereses de promotores e entidades de creto, e á vista das preocupantes consecuencias que, para a defensa da legalidade urbanística, vai a ter (e parece estar tendo xa) a retirada dos contenciosos interpostos no seu día polo consello da Xunta contra das licenzas urbanísticas ilegalmente outorgadas polo concello de Barreiros, a Asociación para a Defensa Ecolóxica de Galiza entende que, -en beneficio do territorio e do medio ambiente en xeral e do litoral, en particular-, de ningunha forma pode quedar impunes as continuadas ilegalidades urbanísticas autorizadas polo concello de Barreiros. Neste obxectivo, a Asociación para a Defensa Ecolóxica de Galiza xa ten solicitado do Ministerio Fiscal a investigación exhaustiva de todas as actuacións administrativas en relación á concesión de licenzas urbanísticas ilegalmente outorgadas e en relación ao Plan Sectorial para a mellora das infraestruturas viarias, de abastecemento e de saneamento promovido pola Xunta de Galicia para encubrir a ilegalidade das licenzas outorgadas.
Agora, á vista das explicacións do Conselleiro , Sr. Hernández, e á vista da actuación do Goberno da Xunta ao respecto (Plan Sectorial e retirada dos contenciosos), ADEGA entende que de ningunha maneira se pode consentir que todas estas ilegalidades urbanísticas queden consolidadas e proponse, con este obxectivo, tratar de recuperar a vía dos contenciosos-administrativos da que o Goberno do Sr. Feijóo irresponsablemente se ten retirado ou ten desistido. Con esta finalidade ven de solicitar da Asesoría Xurídica Xeral da Xunta de Galicia a relación de contenciosos interpostos no seu día polo Consello da Xunta contra as licenzas ilegalmente outorgadas, así como relación dos contenciosos dos que o actual goberno da Xunta ten desistido xunto cos informes xurídicos nos que se ten fundamentado tal decisión.
ADEGA entende que de prosperar as “solucións” con que o Conselleiro e o Goberno da Xunta están a tratar de salvar a ilegalidade das licenzas outorgadas en Barreiros, non só se está a cometer unha nova prevaricación e encubrimento da ilegalidade, senón que se deixa sen vixencia toda a normativa urbanística da Lei 9/2002, de ordenación urbanística e de protección do medio rural de Galicia, e da lexislación de ordenación do territorio, substituída aquí pola arbitrariedade do Sr. Conselleiro. Sería ademais un trato de favor cara a uns promotores imposible de defender fronte a outras ilegalidades urbanísticas que teñen dado lugar a importantes sancións económicas e á restitución da legalidade.
Para acabar ADEGA recórdalle ao Ministerio Fiscal que, de acordo co disposto no artigo 124 da Constitución, é a súa función“promover a acción da xustiza en defensa da legalidade, dos dereitos dos cidadáns e do interese público tutelado pola lei […] así como velar pola independencia dos Tribunais e procurar perante estes a satisfacción do interese social”. Ao amparo deste mandato constitucional, ADEGA entende que é tamén obriga do Ministerio Fiscal, na defensa da legalidade, continuar a vía contenciosa-administrativa abandonada pola Xunta, sen menoscabo de investigar todas as responsabilidades dos órganos da Administración por se elas puideran ser motivo de delito. É de agardar que así o faga.
A este respecto o Ministerio Fiscal non pode deixar de investigar que intereses económicos pode esconder o conselleiro, Sr. Hernández, cando chega a mentir con tanto descaro en relación co urbanismo de Barreiros: o propio Plan Sectorial para a mellora das infraestruturas viarias, de abastecemento e de saneamento é proba evidente de que as parcelas carecían dos servizos urbanísticos mínimos e que, polo tanto, que tais parcelas non podían ter a calificación de solo urbano consolidado, senón simplemente (como di o Decreto 15/2007, polo que se suspenden as normas subsidiarias do Concello de Barreiros) a de solo urbano non consolidado, coas consecuencias para o promotor de asumir, pola súa conta, as correspondentes cesións de solo para infraestruturas e servizos urbanísticos, zonas verdes e dotación de vivendas sociais, así como todas as obras e todos os custos económicos necesarios para dotar a ditas parcelas dos referidos servizos urbanísticos mínimos. Por que o Sr. Conselleiro fai recaer sobre o orzamento público da Xunta, da Diputación e do Concello, o que tiñan que ser uns custos plenamente asumidos polos promotores e construtores?
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
