Nota de prensa:
A DECLARACIÓN DUNHA ÁREA DE REHABILITACIÓN É A OPCIÓN MÁIS VANTAXOSA PARA ARRANXAR AS VIVENDAS DO BARRIO DO CELEIRIÑO (CELEIRO, VIVEIRO)
O director xeral do IGVS indicou no Parlamento que coa declaración da ARI os veciños recibirían axudas autonómicas e estatais para a rehabilitación das vivendas
O concello tamén podería beneficiarse de ditas axudas para a urbanización e reurbanización do barrio
Corresponde ao concello solicitar a declaración da área de rehabilitación
O director xeral do IGVS tamén indicou que o concello de Viveiro non comunicou á Xunta se presentou ou non a reclamación xudicial contra a empresa causante dos danos, malia que o IGVS solicitou dita información polo menos en cinco ocasións nos últimos doce meses
Santiago, 4 de outubro de 2011.- A declaración dunha área de rehabilitación (ARI) é a vía máis axeitada para proceder á rehabilitación das vivendas e dos espazos públicos do barrio do Celeiriño, na localidade de Celeiro, no concello de Viveiro, segundo indicou hoxe no Parlamento o director xeral do Instituto Galego da Vivenda e Solo, Antonio Boné.
Boné dixo que tal posibilidade xa lle foi comunicada aos representantes do concello de Viveiro nas conversas mantidas en 2009 respecto dos problemas existentes no barrio, causados en 2008 polas obras realizadas por unha construtora privada. Naquelas conversas os representantes do IGVS deixaron ben claro que as axudas previstas pola antiga consellería de Vivenda e Solo na declaración de emerxencia de decembro de 2008 eran legalmente inviables.
En dita declaración de emerxencia prevíase a concesión de axudas a través da cédula de rehabilitación de calidade, cando en realidade ditas subvencións estaban dirixidas exclusivamente á rehabilitación no medio rural e en conxuntos históricos, condicións que non cumpre o Celeiriño.
A declaración dunha área de rehabilitación no Celeiriño, como a que xa existe no caso histórico de Viveiro de 1998, permitirá aos veciños do barrio beneficiarse das axudas autonómicas e estatais para a rehabilitación das súas vivendas. Asemade, o propio concello poderá beneficiarse de ditas axudas para a urbanización e reurbanización de espazos públicos no barrio.
Para proceder á declaración da área de rehabilitación do Celeiriño é necesario que o solicite o concello e que a administración municipal elabore o informe preceptivo e a delimitación do ámbito.
Na mesma comparecencia parlamentaria o director xeral do IGVS manifestou que a Xunta de Galicia non ten constancia da presentación, por parte do concello, da rfeclamación xudicial contra a empresa causante dos danos ás vivendas do Celeiriño.
Antonio Boné indicou que a presentación de dita reclamación xudicial é imprescindible para que o IGVS recupere os arredor de 900.000 euros que achegou para solucionar a urxencia das familias cuxas vivendas quedaron inhabitables e que os danos causados correspóndelle satisfacelos a dita empresa e non ao conxunto dos galegos.
O IGVS solicitou en diversas ocasións (outubro, novembro e decembro de 2001 e febreiro de 2011) información do concello de Viveiro sobre a presentación de dita reclamación, sen haber obtido resposta a ningún dos seus escritos.
Malia todo o IGVS continúa aberto a colaborar co concello de Viveiro na solución dos problemas de vivenda dos Veciños do Celeiriño, sempre e cando a solución adoptada se axuste á legalidade e ás liñas de axudas aplicables, que neste caso pasan pola solicitude por parte da administración local da declaración dunha área de rehabilitación, que é a opción máis vantaxosa para os afectados.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
