O alcalde de Ribadeo convocou unha xuntanza para buscar unha solución e crear unha residencia para maiores
FERNANDO SUÁREZ CONVOCOU UNHA XUNTANZA PARA O MÉRCORES CO FIN DE ANALIZAR A NECESIDADE QUE TEN RIBADEO DE CONTAR CUNHA RESIDENCIA DA TERCEIRA IDADE.
Ribadeo, 24 de outubro de 2011. O alcalde, Fernando Suárez, convocou unha xuntanza para o vindeiro mércores co fin de analizar a necesidade que ten Ribadeo de contar cunha residencia da terceira idade. Ao encontro asistirán os voceiros dos grupos políticos con presenza no Concello e membros da comisión veciñal pro-residencia.
O rexedor sinalou que “despois dos contactos que viñemos mantendo antes e despois das pasadas eleccións municipais con esta comisión cidadá que loita pola creación dunha residencia da terceira idade aquí en Ribadeo, e de común acordo con eles, queremos dar un paso adiante e como alcalde convoquei para o vindeiro mércores, 26 de outubro, unha xuntanza entre os voceiros dos diferentes grupos da Corporación Municipal e dous membros desta comisión de veciños”.
Suárez Barcia explicou que “queremos estudar en conxunto unha saída óptima para buscar unha solución entre todos para a creación dunha residencia da terceira idade en Ribadeo. Desde o Concello e tal e como tiñamos falado con eles levamos un estudo, elaborado polos servizos sociais municipais, onde se ve a necesidade de contar con esas instalacións. É un estudo que poderá ser ampliado, perfeccionado entre todos, pero eu entendo, como alcalde de Ribadeo, que estas cuestións que nos deben unir a todos debemos ser todos os que participemos”.
O alcalde engadiu que “por iso, sen ter ningún medo a actuar como goberno municipal querémolo, igual que estamos a facer co urbanismo, facer entre todos, queremos que os representantes de todos os grupos políticos esteñamos loitando todos a unha para buscar a mellor solución co obxectivo de que Ribadeo poida ter máis cedo que tarde unha residencia da terceira idade. Iso sí sen deixar de lado polo que sempre loitamos que é seguir dando servizos de proximidade, servizos sociais, de axuda a domicilio que o noso Concello segue a desplegar e que co apoio, que debe seguir tendo da Xunta de Galicia, para non mermar nesta situación de crise o que son os dereitos que a xente maior ten de seguir contando cunha atención o mellor posible no ámbito da súa casa, do seu fogar, sendo a última opción ir a unha residencia”. Fernando Suárez manifestou que “como moitas veces en moitas familias esa última opción tamén é algo real queremos buscar entre todos unha saída para a posible construcción dunha residencia. Aínda que non vai ser tan fácil, e non se trata só de construir un edificio senón de mantelo, é algo que debemos falar entre todos, entre os representantes do PSOE, do PP, de UPRI e do BNG así como desta comisión de veciños que de boa fé está a actuar. Como alcalde de Ribadeo quero que todos traballemos a unha neste caso tan importante para Ribadeo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
