Nota de prensa
O PP di que “a falta de feitos” confirma que os anos de goberno socialista foron “nesfastos” para a provincia de Lugo
Os cabezas de lista ó Congreso e ó Senado polo Partido Popular aseguraron que ninguén mellor que os propios lucenses pode valorar a acción do goberno central porque “lamentablemente estamos peor que en 2004”
Na súa opinión non serve escudarse na mala situación económica actual porque a provincia de Lugo tamén nos anos de maior bonanza foi discriminada
Lugo, a 24 de outubro de 2011.- “Os feitos son o maior aval ou refrendo co que un político ou, por extensión, un goberno pode presentarse ante a cidadanía para rendir contas da súa xestión ó remate dunha lexislatura. Os feitos son a proba irrefutable do cumprimento da palabra dada. No caso do Goberno socialista desafortunadamente hai poucos feitos dos que falar e os que hai só serven para censurar a súa actuación”. Deste xeito valoraron hoxe os cabezas de lista ó Congreso e ó Senado por Lugo, Joaquín García Díez e José Manuel Barreiro respectivamente, a actuación do goberno de Rodríguez Zapatero.
Durante a súa comparecencia, na que estiveron acompañados polos deputados autonómicos Jaime Castiñeira e Lourdes Yáñez, os candidatos populares salientaron que “ninguén mellor que os propios lucenses pode valorar a acción de goberno dos socialistas e a conclusión é lamentablemente moi clara: estamos peor que en 2004”.
Segundo explicaron, deixando á marxe os “malos” indicadores económicos que son “prácticamente similares” en todas as provincias de España (desemprego, falta de credibilidade, inseguridade no futuro e rebaixa do nivel adquisitivo e, como consecuencia, contracción no consumo, ós que hai que “darlle solución urxente”), a etapa socialista deixa prácticamente sen rematar todas as infraestructuras relevantes para o desenvolvemento e vertebración da provincia de Lugo.
INFRAESTRUCTURAS PENDENTES
Para os representantes populares esta circunstancia “grave de por si”, ten o “agravante engadido” de que o responsable da súa execución, o ministro de Fomento José Blanco, é o cabeza de lista dos socialistas por Lugo. “Blanco só apela os seus orixes en época electoral. Neses períodos, xa sexa como número dous do partido ou como titular de ministerio, non escatima promesas nin ostentanción do poder que lle otorga o seu cargo, pero os feitos non confirman nin unha cousa nin a outra”, explicaron. “E non serve escudarse na mala situación económica actual porque nos anos de maior bonanza, porque cando os socialistas se fixeron cargo do Goberno central atoparon un Estado saneado, a discriminación da que foi obxecto a provincia de Lugo foi idéntica”, apuntillaron.
Así, segundo dixeron, Lugo segue a ser a única provincia galega na que a chegada do AVE non ten data pero, “increíblemente, contamos con proxecto para construir a futura estación á que aínda non sabemos se chegará algún tren”.
Neste intre, segundo indicaron, na liña Ourense-Lugo únicamente está en obras un subtramo, a variante de Pobra de San Xiao, de 7,5 km de lonxitude, adxudicada en decembro de 2006, que tiña un prazo de execución de 40 meses, pero para o que aínda non hai data prevista para o seu remate; e no que atinxe o AVE A Coruña-Lugo, os socialistas directamente abandoaron o proxecto.
No que atinxe ás autovías, a A-54 Lugo-Santiago segue sen chegar; a A-56 Lugo-Ourense está anulada; a A-76 Ponferrada-Monforte continúa en estudo informativo; a A-72 Chantada-Monforte desapareceu do mapa e A-8 a autovía do Cantábrico está sen rematar. “Temos, eso sí, aínda que con tres anos de retraso”, matizaron os populares, “unha nova ponte en Lugo, moi bonita, pero sen accesos á cidade, un fermoso edificio para o CETAL, que serviu para colocar a algúns amigos pero non para crear os miles de postos de traballo prometidos, e o aeródromo de Rozas que está como estaba”.
GANDEIROS E PESCADORES, ABANDONADOS
Os principais sectores productivos da provincia de Lugo non correron, en opinión dos populares, mellor sorte que as infraestructuras.
A falla de sensibilidade e interese por resolver e incluso “pelexar” os principais e máis urxentes problemas que ten o sector agrogandeiro e pesqueiro púxose de manifestó dende o principio co recorte orzamentario do que foron obxecto e reafirmouse despois coa creación dun único ministerio baixo o que pretendeu esconderse as graves dificultades polas que pasa a actividade agrícola, gandeira e pesqueira. “En resumo, non se fixo nada dende dentro para facilitar a subsistencia das explotacións e no ámbito da Unión Europea deixouse a súa sorte a gandeiros e pescadores, que inexorable sairon perxudicados”.
Os populares, segundo recalcaron, agardan que “muden as circuntancias” e confían en que, cando Mariano Rajoy chegue á Moncloa, a creación dun ministerio adicado a estes sectores o faga posible.
Os representantes populares recalcaron que “o cambio político en España faise necesario, dadas as circunstancias” e que é o momento “de censurar a aqueles que, ademáis de non cumprir, minten sobre a razón dese incumprimento, que non é outra que a consecuencia lóxico de realizar unha pésima xestión e negar a realidade”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
