Nota de prensa
OS ROTEIROS DE ADEGA LUGO 2011-2012 DISCORRERÁN POLOS LUGARES MÁXICOS DO PAÍS
O ciclo de roteiros de ADEGA Lugo 2011-2012 desenvolverase baixo o título: “Roteiros pola Galiza Máxica. Un país de lendas”.
Lugo, a 24 de outubro de 2011.- Pedras, mares, corredoiras, cumios, vales , fontes, árbores, covas, etc., son algo máis que elementos naturais e paisaxísticos. Alá onde se atopan adquiren un significado diferente e único segundo lles foi determinado polas crenzas e costumes dos nosos devanceiros. Son seres míticos, máxicos e fantásticos que corresponden a un intento de comprender a contorna ou o mundo circundante. Son os habitantes e os lugares da Galiza Encantada á que ADEGA Lugo lle quere dedicar o seu ciclo de roteiros 2011-2012.
Innumerables lendas, personaxes mitolóxicos ou recunchos máxicos persisten aínda na nosa xeografía, mais pouco a pouco van esmorecendo na nosa memoria e no noso presente, ben sexa pola desaparición do elemento máxico e natural de referencia, ben pola ausencia de fontes vivas de información ou ben porque a propia tradición oral se vai reconstruíndo e actualizando.
Porén, a destrución do territorio físico de Galiza está a contribuír de xeito especial a esta perda dos elementos míticos de Galiza e, por ende, do noso imaxinario cultural. As alteracións que día a día sufre o noso territorio, non só contribúen a diminuír os recursos naturais ou a biodiversidade propia do país, senón que tamén eliminan o espazo no que se crean e trasladan de xeración en xeración as crenzas populares, os cultos pagáns e relixiosos, as lendas, ou a consciencia dos lugares míticos.
Por tanto, o territorio natural é tamén un territorio máxico, dous territorios que, na meirande parte dos casos, conflúen en dous espazos interdependentes e destinados a vivir ou a morrer ao mesmo tempo, de xeito que, se un deles desaparece, o outro ten poucas posibilidades de permanecer. É por iso que ADEGA-Lugo, no marco da súa campaña a prol da defensa do territorio, quere contribuír de forma activa a que os galegos e galegas coñezan estes elementos naturais e máxicos presentes aínda na nosa xeografía e na nosa memoria colectiva como testemuñas dunha visión particular do mundo.
ADEGA-Lugo pretende divulgar e poñer en valor algunhas das lendas e tradicións de Galiza a través do seu ciclo anual de ROTEIROS 2011-2012, baixo o título: ROTEIROS POLA GALIZA MÁXICA. UN PAÍS DE LENDAS.
PROGRAMA DE ROTEIROS ADEGA-LUGO 2011-2012
Data Situación Lugar da lenda Título
30 outubro O Courel Val das Mouras Labirinto encantado de penedos e castiñeiros…
27 novembro Outeiro de Rei Penas de Rodas Trabe de ouro trabe de alcatrán ..
18 decembro Ancares – Doiras-Cervantes Cerva Branca de Cervantes O anel de Aldara…
29 xaneiro Friol A Cova da Serpe A forza do amor…
26 febreiro Ribeira Sacra Cabo do Mundo
Encoro de Santo Estevo
O lar das Xacias….
25 marzo Barreiros Monte da Cornería O tesouro de Maeloc ..
22 abril Touriñán Monte Cachelmo Os cantos de Buserán…
20 maio Costa da Morte Monte Pindo Dominios da Rainha Lupa…
17 xuño Gondomar-Vigo- Pontevedra Serra do Galiñeiro Porta de acceso ao Alén…
Lugar de saída: Avenida de Ramón Ferreiro (fronte a Escola de Maxisteiro), Lugo.
Hora de saída: ás 9.00 horas, agás nos roteiros de abril, maio e xuño que será ás 8.00 horas.
Prezos: 15 € (non socios/as), 12 € (estudantes, parados, xubilados), 10€ (socios/as) e 5€ (menores de 17 anos).
Reserva de praza. Chamar a: 982240299 ou 679113718.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
