Nota de prensa:
A XUNTA INCREMENTA CON CINCO MÁQUINAS QUINTANEVE MÁIS A SÚA DOTACIÓN DE MEDIOS PARA MANTER A VIALIDADE INVERNAL NOS 1.500 QUILÓMETROS DE ESTRADAS DA SÚA TITULARIDADE EN LUGO
A delegada territorial, Raquel Arias, supervisou hoxe as dotacións mecánicas dispostas para este operativo especial para os traballos de vialidade, que pasa a contar con 18 máquinas para a retirada de neve e o xeo na rede da provincia
Catro novas plantas para a distribución e fabricación de salmuera, que se suman aos 11 silos de sal xa existentes, permitirán potenciar as labores de prevención ante as placas de xeo do operativo impulsado pola Consellería de Medio Ambiente, Territorio e Infraestruturas
Lugo, 1 de novembro de 2011.- A delegada territorial da Xunta, Raquel Arias, supervisou as dotacións de medios dispostos para o operativo do Plan de Vialidade Invernal da Xunta de Galicia, que de dende hoxe e durante os próximos seis meses servirá para reforzar a seguridade viaria na rede de estradas de titularidade autonómica na provincia de Lugo.
O devandito plan, impulsado pola Consellería de Medio Ambiente, Territorio e Infraestruturas, vese beneficiado por un incremento de medios mecánicos e físicos para a presente campaña con relación a anos precedentes. Dende hoxe, cinco novas máquinas quitaneve súmanse as 13 xa existentes (completando un total de 18 máquinas), estando catro delas dotadas de esparexedores de salmuera, un fundente líquido constituído por unha solución salina que ofrece mellores resultados para actuar na prevención da formación de placas de xeo, sendo tamén máis respectuoso co medio ambiente.
Precisamente para o presente ano, incorpóranse catro plantas que servirán para a fabricación e abastecemento de salmuera para o operativo do Plan de Vialidade Invernal. Así mesmo, mantéñense os 11 silos de sal distribuídos estratéxicamente pola xeografía da provincia, dando lugar a que a operativo autonómico para a provincia conte cun total de 15 depósitos dos distintos produtos empregados para manter a vialidade na rede de estradas.
O silos de sal están situados no Corgo, Pedrafita, Xermade, A Pastoriza, Quiroga, Begonte, Castroverde, Chantada, O Incio, e dous na Fonsagrada. Con este reparto, preténdese gañar en operatividade, chegando canto antes aos puntos que presenten algunha dificultade para o tráfico, pero tamén procurar a eficiente distribución do material. A meirande parte dos silos teñen capacidade para albergar 60 toneladas de sal, aínda que algúns poden acoller ata 100 toneladas.
A Consellería estima, en referencia aos datos dos últimos anos, que será preciso investir preto de 350.000 euros tan só no abastecemento da sal, ao que hai que engadir os 619.000 euros de custo do servizo contratado.
O departamento autonómico de Medio Ambiente, Territorio e Infraestruturas inviste preto de un millón de euros neste operativo especial de inverno para o mantemento das condicións de circulación nas estradas lucenses de titularidade autonómica.
As cifras da presente campaña revelan tamén que o plan alcanza á totalidade da rede viaria da Xunta na provincia, isto é, 1.500 quilómetros, e implica a arredor de 70 traballadores. Dúas empresas cobren este servizo, incluído nos respectivos contratos de conservación integral.
A efectos de contratar a prestación deste servizo, a rede de estradas provinciais dividiuse en dúas áreas, norte e sur, separadas figuradamente pola estrada N-VI -entre Guitiriz e Lugo- e a estrada de Fonsagrada –dende a capital cara ao límite da provincia-.
O Plan de Vialidade Invernal ponse en marcha o 1 de novembro e rematará o 30 de abril. O seu obxectivo é reforzar a seguridade viaria das estradas fronte ás inclemencias climatolóxicas propias do inverno, ofrecendo unha resposta inmediata e eficaz mediante a retirada da neve ou a distribución de sal cando as condicións así o requiren.
En todo caso, realízanse constantemente accións preventivas, aínda que a estrada se atope aparentemente libre de xeo ou neve. As máquinas dispoñen dos correspondentes sistemas de empuxe para a neve (en forma de cuña e folla) e de esparexedores de fundentes.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
