Nota de prensa
ANTONIO VEIGA ANUNCIA QUE A DEPUTACIÓN REHABILITARÁ A ANTIGA ESCOLA HABANERA DE SAN MIGUEL DE REINANTE
O vicepresidente da Deputación explicou que se investirán “310.000 euros para rehabilitar esta antiga escola, recuperando un importantísimo patrimonio cultural e optimizándoa para cumprir cun cometido social”
Trátase dunha remodelación integral que afectará ao conxunto do inmóbel, creando nela unha sala multifuncional, salón de actos con escenario, sala de exposicións, oficinas e biblioteca
Por outra parte, Veiga criticou que a Xunta onte “anunciase prazas de residencia concertadas unicamente en concellos da franxa atlántica, esquecéndose de Lugo, e afondando aínda máis da Galiza ‘das dúas velocidades’”
Lugo, 4 de novembro de 2011. O vicepresidente da Deputación de Lugo, o nacionalista Antonio Veiga, na rolda de prensa posterior a Xunta de Goberno da Deputación, anunciou a aprobación dun convenio entre esta institución e o Concello de Barreiros que permitirá, cun investimento de 315.000 euros, a remodelación integral da antiga escola habanera de San Miguel de Reinante. Antonio Veiga anunciou que se investirán “310.000 euros para rehabilitar esta antiga escola, recuperando un importantísimo patrimonio cultural e optimizándoa para cumprir cun cometido social”.
Segundo explicou Antonio Veiga, “a escola de San Miguel de Reinante é unha construción que data dos inicios do século XX, como as que abundan pola Mariña lucense e a Terra Chá, malia que destaca polo seu tamaño, con 700 metros cadrados de construción e 500 metros cadrados útiles, polo que se pode cualificar de modélica na súa construción e incluso no seu regulamento, xa que foi unha escola moi avanzada á época”. Veiga informou de que a actuación que sufraga a Vicepresidencia Primeira da Deputación trátase “dunha remodelación integral que afectará ao conxunto do inmóbel, creando nela unha sala multifuncional, salón de actos con escenario, sala de exposicións, oficinas e biblioteca, ademais dos correspondentes aseos e vestíbulos, e unha recepción con cafetaría”. Este investimento permitiralle ao Concello de Barreiros dispor dunha infraestrutura excelente para o desenvolvemento de actividades culturais, ao tempo que cumprirá unha función social xa que son moitas as asociacións culturais e veciñais que poderán empregar estas instalacións”.
Veiga explicou que o investimento de 310.775,80 euros para levar a cabo a remodelación da escola de San Miguel está integramente aportado pola Vicepresidencia Primeira da Deputación, con cargo aos orzamentos en tres anualidades: 125.000 euros en 2011; 95.000 euros en 2012, e 90.775,80 euros en 2013. “Con esta actuación recupérase un importante ben patrimonial ao mesmo tempo que se habilita para o uso da veciñanza, co que esta institución segue co seu compromiso en materia cultural e apoiando o tecido asociativo lucense, con investimentos que logran facer máis co mínimo gasto posible, executando unha política ao máximo de eficiencia”.
Achégase un documento coa ficha arquitectónica do edificio e planos de proposta do proxecto de rehabilitación que se levará a cabo
Por outra banda, Antonio Veiga quixo referirse ao anuncio feito onte pola Xunta de Galiza, no que se anunciaba o estabelecemento de prazas concertadas de residencia para persoas maiores en concellos das Áreas de Santiago e Pontevedra, “demostrando unha vez máis a idea de país que ten o goberno do PP ao priorizar a franxa atlántica á hora de dotar de servizos sociais dos que precisamente o rural lucense adoece en maior medida, co que a Xunta de Galiza está a afondar na problemática da Galiza ‘das dúas velocidades’”. Veiga foi crítico coa xestión do goberno galego e afirmou que “esquecendo e discriminando a Lugo como o está a facer a Xunta, a cidadanía dáse conta do traballo que se está a realizar desde a Deputación a prol da redución da fenda na prestación dos servizos sociais e mellorando o benestar de todas e todos os lucenses
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
