As obsesións de Balseiro
Perplexo, é como se queda un ó ler certos artigos e certas opinións. A verdade é que non me esperaba que fose precisamente o señor Balseiro quen se adicase a buscar culpables dos resultados do Partido Socialista no Concello de Cervo. É unha verdadeira pena que o compañeiro do PP gaste o seu tempo niso. Os socialistas traballamos polos veciños, loitamos polas nosas ideas e sabemos aceptar moi ben as decisións do pobo, como soberano que é, tras un proceso electoral. E xustamente o señor Balseiro, debera sabelo igual ca min, porque según din, quen tivo retivo.
Os datos están presentes para demostrar as irregularidades que cometeu o actual alcalde de Cervo. O expediente administrativo, que lamentablemente acabou nunha sanción, abriuse moito antes do proceso electoral ó que se alude, sen saber, para nada, cal sería o resultado. Relacionar un e outro proceso non é máis que demagoxia por parte do concelleiro popular, nun intento fallido de desculpar a actitude do equipo de goberno do noso Concello.
Comparto totalmente a idea de que as Deputacións Provinciais, son administracións chamadas a apoiar ós Concellos, a combater a actual situación económica e a garantir a distribución igualitaria de posibilidades e recursos entre eles. Precisamente para garantir esa igualdade entre todos os municipios, a Deputación de Lugo vese obrigada a pegar un toque de atención ó noso rexedor, por non cumprir coas súas obrigacións como cumpren o resto dos alcaldes da provincia. Basta de mentiras e enganos, señor Balseiro, cando sabe de sobra cómo actuou o seu compañeiro de goberno.
Cando os Concellos son requeridos para que rectifiquen algún erro, o normal é que respeten as recomendacións dos organismos superiores e non que fagan caso omiso, sobre todo, tratándose de asuntos nos que se pon en risco a seguridade das persoas. Pero esa foi a actitude que mantivo o noso alcalde, pasividade total ante as advertencias non só da Deputación senón tamén da Xunta de Galicia. O inxusto sería que uns Concellos tivesen que adaptarse á lei e que outros, se considerasen por riba do ben e do mal.
Así coma nós sabemos aceptar un resultado electoral, o Goberno de Cervo debería aceptar os seus erros, responsabilizarse das súas faltas e aprender que ante a lei todos somos iguais. Deixen de obsesionarse con acosos ilusorios e admitan que a culpa de todo isto é única e exclusivamente da inoperancia do actual equipo de goberno. Culpa que teremos que tolerar e asumir tódolos veciños.
Lara Méndez
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
